Alem TV

ማለትም ሬድዮ፣ ቴሌቪዥን፣ የተንቀሳቃሽ ስልክ ወዘተ አገልግሎቶች ተጠቃሚዎች መሆን ችለዋል፡፡ በተለያዩ የሙያ መስክ፣ የትምህርትና የኑሮ ደረጃ ያሉ ወጣት አፍሪካዊያን ከዚህ ቴክኖሎጂ ተቋዳሽ ሆነዋል፡፡ ባብዛኛው የአፍሪካ ሀገሮች ከተሞችና መንደሮች ነዋሪዎች ለማህበራዊም ሆነ ለኢኮኖሚያዊ ጉዳዮች ዘመኑ ያፈራቸውን የመገናኛ ዘዴዎች በስፋት ይጠቀማሉ፡፡ ኢትዮጲያ ከነዚህ የአፍሪካ ሀገሮች አንዷ ናት፡፡ የኢትዮጲያ የመረጃና የኮሚኒኬሽን ቴክኖሎጂ በተለያዩ መለኪያዎች ሲመዘንናከሰሃራ በታች ካሉ ከሌሎች የአፋሪካ ሀገሮች አንጻር እንኳ ሲወዳደር “አማካኝ” ተብሎ ሊፈረጅ ቢችልም ባለፉት ጥቂት ዓመታት በዘርፉ የታየው መሻሻልና ለውጥ ቀላል አይደለም፡፡ በኢትዮጲያ ውስጥ በዝቅተኛ ደረጃ ከሚገኙ የሚዲያ ዘርፎች አንዱ የቴሌቪዥን ዘርፉ ነው፡፡ ኢትዮጲያ ውስጥ አገልግሎት የሚሰጡ የቴሌቪዥን ጣቢያዎች በቁጥርም ሆነ በጥራት “በማደግ ላይ ያለ” ሊባል የሚችል ነው፡፡ የሌሎች የሚዲያ መስኮች ማለትም የእድገት ደረጃም ከቴሌቪዥን ዘርፉ ብዙ የተለየ አይደለም፡፡ በዚህም ምክንያት በመረጃ ፍላጎትና አቅርቦት መካካል ሰፊ ልዩነት እንዲኖር ግድ ሆኗል፡፡ ዜጎች የመረጃ ፍላጎታቸውን ለማርካት በተለያዩ ቋንቋዎች የሚዘጋጁ የውጭ ሀገር የመረጃ ምንጮችን ለመጠቀም ሙከራ ቢያደርጉም በቋንቋና በአቅም ውስንነት ምክንያት ቁጥሩ ቀላል የማይባል የህብረተሰብ ክፍል አስተማማኝና ወቅታዊ መረጃ የማግኘት እድሉ ተገድቧል፡፡

በመሆኑም ይህንን የመራጃ እጥረት በተወሰነ ደረጃ መቀነስና ዜጎች አስተማማኝና ፈጣን መረጃ በቀላሉ እንዲያገኙ ማድረግ፣ የሀገራችንን ማህበራዊ፣ ኢኮኖሚዊና ፖለቲካዊ እድገት በመረጃ አቅርቦት ማገዝ እጅግ አስፈላጊ ነው፡፡ ሳይንስና ቴክኖሎጂን ማስፋፋትና የቴክኖሎጂ ሽግግርን ማሳለጥ፣ በዜጎች ክፍሎች መካከል ባህላዊ መስተጋብርን ማገዝ እንዲሁም ዜጎች በተለያዩ ጉዳዮች ዙሪያ አማራጭ የመረጃ ምንጭ እንዲኖራቸው መርዳት ይደር የማይባል የወቅቱ አንገብጋቢ ጥያቄ ሆኗል፡፡ ከላይ በትንሹ የተገለጹት ዓልአቀፋዊ እና ሀገራዊ ምክንያቶች ለ“ዓለምቲቪ” መወለድ ዋነኛ ምክንያቶች ናቸው፡፡ ጣቢያው እ.ኤ.አ. 2015 በቱርክ በተመዘገበና “ብራይት ሚዲያ ኔትዎርክ” ኃ.የ.የግል ኩባንያ አማካኝነት የተመሰረተ ሲሆን ስርጭቱን ከቱርክ ሪፖብሊክ የኢስታንቡል ከተማ ያስተላልፋል፡፡ ዓለምቲቪ በሚሰጠው የሚዲያ አገልግሎት በተለይም በኢትዮጲያ ውስጥ ያለውን የመረጃ ክፍተት ለማስወገድና በሀገር ውስጥም ሆነ ከሀገር ውጪ የሚኖሩ ኢትዮጲያውያን ፈጣንና አስተማማኝ መረጃ ማግኘት ይችሉ ዘንድ ከፍተኛ ሚና እንደሚጫወት ይጠበቃል፡፡

የቴሌቪዥን ጣቢያው ፕሮግራሞቹንና የሚዲያ ስራዎቹን በድረገጽ፣ በዌብ ቲቪና በሳተላይት አማካኝነት እንዲሁም በተለያዩ የማህበራዊ ሚዲያዎች የሚያሰራጭ ሲሆን በአቀራረብም ሆነ በይዘታቸው ልዩ ፕሮግራሞችን በማዘጋጀት ተመልካቾችን እያዝናና ለማስተማር እንዲሁም ለሀገራችን የሚዲያ ሴክተር መሻሻል ተግቶ ይሰራል፡፡

“ዓለምቲቪ” የመረጃ ዓለም!!