Yabets

75 days Asere or Natanan Yabets Thanks to God

🔶️💠 አስተዋይ ሰው ሁሉ ያንብብ 💠🔶️

✅ አንዱ ለጓደኛው ስልክ ይደውልና እባክህ እናቴ በጣም ታማ ሆስፒታል ገብታለች እናም 3000 ሺ ብር ስለተባልኩኝ አሁኑኑ በፍጥነት እዚህ ሆስፒታል ድረስ ይዘህልኝ ና ይለዋል ።

ጓደኛውም እሺ ግን 30 ደቂቃ ያህል ታገሰኝ አለው ። እሺ ብሎ ሲጠብቅ 30 ደቂቃ ብሎም አንድ ሰአት አለፈው ። ከዚያም ምነው ቆየ ብሎ ስልክ ሲደውልለት ስልኩ ጥሪ አይቀበልም ይላል ። ደጋግሞ ቢሞክርም ስልኩ ዝግ ነው ። በዚህም በጣም ይናደድና እንደውም በቃ ተወው ያንተን ገንዘብ አልፈልግም ፣ ድሮም እኔ ጓደኛ አይወጣልኝም ብሎ ሚሴጅ ላከለት ።

✅✅ ከጥቂት ደቂቃ በኃላ ጓደኛው ሆስፒታል መጣ ፣ ገና እንዳየውም ስማ ባይኖርህ እንኳን በቃ የለኝም ወይ ደግሞ አላገኘሁም አትልም እንዴ ? ለምን ስልክህን ትዘጋለህ ? ብሎ ጮኸበት ጓደኛውም እንዲህ ሲል መለሰለት ። ጓደኛዬ ስልኬን ዘግቼው አይደለም አጋጣሚ እጄ ላይ ብር አልነበረም ፣ በቅርበት የማውቃቸውን ሰዎች ሁሉ ብድር ስጠይቃቸው የለንም አሉኝ።

✅✅ ከዚያ ምንም አማራጭ ሳጣ ስልኬን ሽጬ ይኸው ያልከኝን 3000 ብር ይዤልህ መጣሁ ብሎ ሰጠው ። ከዚያም ጓደኛ አቅፎ ይቅርታ ጠየቀው ።

✅✅ አንዳንዴ ሰዎች ለእኛ ብለው ደፋ ቀና እያሉ እና ዋጋ እየከፈሉ ነገር ግን ያሉበትን ሁኔታ ሳንረዳ እንዲሁ ነገሮች በምንፈልገው ፍጥነት ስላልሆኑ ብቻ ለንግግር አንቸኩል !!!!!!!!

✅✅ እግዚአብሔርም በችግር ቀን ደርሰው እንዲህ ከጎን የሚሆኑ ፣ ሲኖረን አብረውን በልተው ሳይኖረን የማይርቁን ፣ በመልካም ቀን ፊት ሰጥተው በክፉ ቀን ጀርባ የማይሰጡን ፣ ሲሞላልን ቀርበውን ሲጎድልብን የማይሸሹን ፣ ደስታችንን ብቻ ሳይሆን ችግራችንንም አብረው የሚካፈሉ ፣ ቅን ወዳጆችን ያድለን ። አሜን

💁🏿‍♂💁🏿‍♂👉🏾 ማወቅ መልካም ነው ያወቁትን ማሳወቅ ደግሞ ፍፁም በጎነት ነው ። በምድር ላይ የምናደርጋቸው መልካም ነገሮች ሁሉ በሰማይ ላይ የዘላለም ደመወዝ ሆነው ይከፈሉናል ።