Escola O Rocío

ÉXITO ROTUNDO!
GRAZAS FAMILIAS!
Hoxe colocamos 107 niños recibidos na escola nas últimas dúas semanas, feitos por vós. Acompañounos o sol, os pais, as nais, os avós, as avoas e mailos veciños.
Contamos tamén cun grupo moi importante de profesorado e alumnado do CEE SAN RAFAEL, que non so contribuíron con aportación de niños, senón que viñeron ata a Avenida de Castelao coas súas escaleiras para colocar con nós moitas casiñas de aniñamento para paxaros.
Comezou o acto coa lectura dun manifesto, no que contamos o fachendosos que estamos por ter acadado o reto e por pertencer a esta comunidade educativa.
Continuou o acto coa canción "Paxariños a voar", co que celebramos o Día da Paz na escola deste xeito tan especial.