Embora Producions

Tesouro pecharán a nova edición de Marola 2026 o domingo 26 de xullo en Ferrol. Será ás 13:30h nos Xardíns de Herrera con entrada de balde.

Tras a discreta disolución de Burgas Beat, Aser Álvarez e Carlos Rego decidiron seguir dando forma a aquelas cancións que parecían baixar sen esforzo desde o ceo, impulsadas unicamente polo pracer de tocar xuntos e de materializar a música. Cando consideraron que o material merecía ser gravado, decatáronse de que necesitaban un baixista; nunha desas decisións aparentemente ilóxicas que ao final resultan ser as mellores, propuxéronlle o posto a Dani Alonso, de Os Amigos dos Músicos, quen, en realidade, nunca tocara o baixo.

Aquí conmigo espertou moito interese. Apareceu en varias listas dos mellores discos de 2022 e, sorprendentemente, chegou a figurar como Álbum da semana en El Periódico, compartindo espazo con artistas como Pablo Alborán, Guitarricadelafuente e La Bien Querida e recibiu unha chea de críticas entusiastas na prensa musical.

Ferrol acolle o sábado 25 de xullo o concerto de The Mean Devils dentro do marco de Marola 2026. Será ás 13:30h con entrada de balde nos xardíns de Herrera.

The Mean Devils tratan como poucas bandas o son puro e vintage do Rockabilly, o Rhythm & Blues e o Garage Rock.

Formados no Porto en 2000, a banda rapidamente converteuse nun referente da escena Rockabilly. Coñecidos como un dos mellores grupos do mundo no seu estilo, tocaron en clubs icónicos, grandes festivais e acompañaron a lendas dos anos 50 como Billy Le Riley por toda Europa.

A banda tamén realizou con éxito tres xiras por Estados Unidos, consolidando a súa reputación a nivel global. O seu álbum “A Date with Devils”, gravado polo produtor gañador do Grammy Liam Watson nos estudos Toe Rag, esgotouse rapidamente e converteuse nun clásico moderno do Rockabilly. Agora, lanzaron un novo dobre 45 con catro temas ardentes gravados no mesmo estilo auténtico.

Entrada libre para os dous concertos.

El festival Marola! celebrará su tercera edición en Ferrol con conciertos de The Mean Devils y Tesouro - Galicia Ártabra Digital Los Jardines de Herrera volverán a convertirse este verano en escenario del festival Marola!, una cita que alcanza su tercera edición apostando por la música en directo y la puesta …

Ola Ferrol