Play Kit

نحجيلكم اليوم عن ال(Plot Twist)
اول شي خليني اوضح الكم انو التويست بيه انواع، نحجيلكم عن نوعين، النوع الاول التويست الي يعيد كتابة الفيلم. يكون مزروع من البداية، بتفاصيل صغيرة مثل حوارات ولقطات. تمر عليها بالبداية بشكل عادي، بس بعد ما تنكشف الحقيقة كلشي يصير واضح. وبصراحة هذا نوعي المفضل لانو من كد ماعبقري يخليك ترجع تعيد الفيلم كله حتى تنتبه عالتفاصيل، احب السينما الذكية الي ما تفاجئك وهاهيه، لا، تعيد تشكيل وعيك للفيلم بالكامل.
عدنا النوع الثاني تويست الصدمة النفسية الثكيلة. هالافلام الي تستخدم الصدمة (كوسيلة، مو كهدف). مايعتمد عالمفاجأة السطحية، انما عالحقيقة القاسية الي تصدمك بطريقة تترك أثر طويل بعد انتهاء الفيلم. يعني الصدمة هنا مو الهدف النهائي. انما وسيلة لفهم أعمق للشخصيات والاحداث. وبالنهاية يخليك تكعد ساكت مصدوم وتفكر وتحاول تستوعب.