Together dz

شفت بزاف ناس يقولو على الشباب الجزائري خاصة لي من فئة شباب Gen z لي زايدين من منتصف التسعينات إلى غاية 2010 بلي جيل فاسد جيل ما عندوش أدنى طاقة نهار كامل سايح ( بمعنى كسول ما الى ذلك)، مي الكونثرار انا كوحدة من هذا الجيل شفت انو جيل يحب التغيير وما يحبش يمشي ورا القطيع و ورا العقلية التقليدية وخاصة ما يحبش يطيح بروحو للي جاء حتى لو كان محتاج وزوالي، متشبث بمبادئه وبقيمه، بغض النظر لبعض القهويين لي يفسدو سعات عليه وحتى هديك الفئة متأكدة كون توفرتلهم ظروف احسن ممكن ما يكونوش هكاك..
لاحظت تاني فيه بلي جيل فيه طاقات وروح إبتكار ومواهب لي قادرة انها تصاغ بنسخة راقية جدا و لي يقدر من خلالها يفيدو روحهم ويفيدو مستقبل بلادهم علاش لالا.
لكن للاسف ما لقيناش وين نفرغوهم هدوك الطاقات ولا لي يتبنى هذا الشيء لقينا رواحنا محاصرين في نص رقعة جغرافية، بفرص محدودة وطرق قصيرة ونوافد شبه موصدة في وجوهنا.

على هدي لي يقلك الألم موش فالضعف بل فالقوة المقيدة والمكبوتة، الألم الصح يكون في كي تكون عارف وين راح توصل كون تخدم مواهبك حتى تلقا روحك مجبر دور في نفس لبلاصة خطر المحيط لي انت فيه أضيق من انك تبرز فيه حلمك..

نحب نوجه رسالة للناس لكبار ولا للوالدين لي لازم يساعفو اولادهم شويا خطر اغلبهم ما ناضوش في فامهم ملعقة من دهب، راهم يبنيو في رواحهم من زيرو هذا إن كان موش من تحت الزيرو، ادعموهم و اتبناو افكارهم وحفزوهم على التجربة، وخاصة أمنوا بيهم.

في إسبانيا هناك قصة .. رواية ..حكاية مشهورة تقول :

" في مطعمٍ فاخرٍ بمدريد، أثناء الغداء، كان لاودروب يتحدث مع زوجته عن قرار مغادرة مدريد ، سمعه النادل ..
في لحظةٍ ما، وقف شخصٌ من طاولةٍ خلفه واقترب منه وسأله: "هل ستغادر حقًا؟".
التفت لاودروب فإذا هو الملك خوان كارلوس الذي كان يجلس على بعد طاولتين فقط منه .

قال له "نعم سيدي ، سأغادر."

" هل تعلم أنه بهذه الطريقة سأصبح أنا الملك الوحيد لإسبانيا مجددًا."

افضل لاعب اجنبي في الدوري الإسباني في آخر ٢٥ عامًا: ١٩٧٤-١٩٩٩ !؟