Bsr Joker

صاحبي .

راك حاب ربي يحققلك واش رآه في بالك ويستجيب دعائك ؟ باينة تقولي أكيد.

مالا نقولك أتعلم تدعي لإخوانك المسلمين ، ادعي لصحابك يرزقهم الهداية ، أدعي لوالديك ادعي لخاوتك بالخير ، ادعي لجيرانك بالصلاح ، ادعي حتى لهذاك الإنسان لظلمك ، ادعي لهذاك لي يصلي جنبك في المسجد أدعي لهذاك لي تتلاقاه برا أدعي خو أدعي لهم ما تحب لنفسك ، هكذا بإذن الله يقبل دعائك لهم ويرزقك ربي أضعاف ماتتمنى لهم .

ونبشرك بهذا الحديث ( عَن أَبي الدَّردَاءِ أَنَّهُ سمِعَ رَسُولَ اللَّهِ ﷺ يَقُولُ: مَا مِن عبْدٍ مُسْلِمٍ يَدعُو لأَخِيهِ بِظَهرِ الغَيْبِ إِلاَّ قَالَ المَلكُ ولَكَ بمِثْلٍ ) رواه مسلم .

وكذالك عَنْهُ أَنَّ رسُول اللَّه ﷺ كانَ يقُولُ: دَعْوةُ المرءِ المُسْلِمِ لأَخيهِ بِظَهْرِ الغَيْبِ مُسْتَجَابةٌ، عِنْد رأْسِهِ ملَكٌ مُوكَّلٌ كلَّمَا دَعَا لأَخِيهِ بخيرٍ قَال المَلَكُ المُوكَّلُ بِهِ: آمِينَ، ولَكَ بمِثْلٍ رواه مسلم. )

تعلم هذي لعفسة لعزيز ونقي قلبك وحافظ عليه ، لأنو كي يصفى قلبك صدقني غير راح ترتاح ، تولي تتلذذ بالعبادة والطاعة ، تولي إنسان بشوش ، تولي إنسان مسالم ، وربي يرحمك في الدنيا والآخرة بسبب قلبك وصلاح نيتك وأخلاقك الطيبة ودعائك لإخوانك .

و هذا مكان حبيت نوريك هذي لعفسة الجميلة لي ممكن تنتفع بها .

و شكراً 🤍

🤍

"طول ماك راك تسعى في الدنيا، الدنيا كامل راح تسعى معاك."

السعي ماشي غير حركة برك، هو طاقة حقيقية. طول ماراك تتحرك وتدير خطوات، حتى لو صغار، راح تلقى الدنيا تتجاوب معاك.
السعي ما يعنيش بالضرورة بلي الطريق راح يكون ساهل، بصح معناه انو ماكش حابس في بلاصتك.. تقدر تلحق بالخف، وتقدر تتعطل شوية، بصح الحاجة اللي تهم كثر هي كي تكمل، حتى كي ما تبانلكش الدنيا بلي راها تسعى معاك فاللول، خطش بزاف فرص يكونو مخبيين في تعب الطريق بحد ذاتو..
Bouziane Bsr

كاين نوع من الناس كرامتوا هي اللي تتحكّم في مسار حياتو، مُمكن يسمح في خدمة مليحة خاطر كاين واحد فالخدمة هاذيك مسّلو كرامتو، يفارق بنادم يحبو لمُجرّد الاحساس تاعو بانو ولا ثقيل عليه، انو يموت من الوِحدة بالنسبة ليه أحسن بالف مرة من انو يتذلل لبنادم باه يبقى معاه، الناس هاذو كرامتهم ديما حيّة، والجرح لكرامتهُم عندهم أكبر من أي جرح جسدي، وحا تلقى بلي كُل قراراتهُم فيها شيء من الكرامة والحفاظ على كبريائهم.. والنوع هاذا لما كرامتهم تتڨاس ويقرر يروح راهو مايرجعش، ما يرجعش مهما وش يصرا.
Bouziane Bsr
@أبرز المعجبين