Oussama N26

انتهى التخفيض 🙏
شكرا للناس لي خدمت عدنا و دارت فينا الثقة
انشاء الله مزال تخفيضات اخرى فالايام الجاية ❤️

🚩السلام عليكم و رحمة الله تعالى و بركاته🔰

في هذا المنشور سوف نتطرق إلى أكثر سؤال متكرر 🔄 في بريد الصفحة حول وصول البطاقة البلاستيكية للجزائر. 🇩🇿
"و الكارطة وكتاش توصلني؟"
"و البطاقة البلاستيكية ماتبعثوهاليش؟"
"انا البطاقة نحتاجها مكاش كيفاش تجيبهالي؟"

أخي الفاضل، أختي الفاضلة:
●أولا البطاقة البلاستيكية 💳 ماعندك ما دير بيها فالجزائر. يعني ديكور فقط أو تحطها فالدرج و تخبيها. لأنو كما نعلم في الجزائر ماعندناش موزعات "ATM" وين تقدر تحط البطاقة تاعك و تسحب الرصيد.
أصلا سحب العملة الصعبة من البنك راه غير متوفر وممنوع. إذا حبيت تسحب يعطوك الدينار الجزائري بعدما يديرولك تحويل للعملة "بسعر البنك" يعني 100€ اورو بمليون و نص فقط.

●ثانيا البطاقة لا تصل إلى الجزائر لأن الجمارك الجزائرية تمنع دخولها نهائيا🚫. ويعتبر إدخالها بأي طريقة فعل غير قانوني و يندرج ضمن قانون تهريب العملة.
يعني لوكان نبعثوها راح يسيزوها ونولو فالمشاكل و الغرامات المالية... و ممكن أيضا يتغلق الحساب.

👈ما هو الحل إذا؟
●اذا كنت صح تحتاجها و ممكن تخرج للخارج و تستعملها تقدر تعطينا عنوان أحد أقاربك أو صديق يكون ثقة، نبعثوهالو وأنت كي تروح تلقاها عندو.
●ما عدا ذلك البطاقة راح تستلم كل أرقامها و تخدم بيها من التطبيق من أول يوم بدون أي مشكلة وبدون الحاجة للبطاقة البلاستيكية نهائيا. كما تستطيع سحب المال أيضا من الموزع ATM في الكثير من الدول بشكل عادي بإستعمال QR كود الموجود في التطبيق.

إن شاء الله نكون وضحت كل شيء بخصوص هاذ النقطة.
أي استفسارات تواصلو معنا في بريد الصفحة☝️