MBTOP RAP DZ

YOUPPI X YOUPPI VÉRITÉ
: تشب .. ياه ... سمع مليح ... كل يوم نموت خمس خطرات .فراسي شحال من حاجة تقتل ... اصلا كي نراطي خمسة مالصلاة تسرالي كتافي ليسر يثقل ... من زهو الدنيا يدي مولاه ينسى بلي اخرتها في كفن... كي يكون طبيب وملقاش دواه تعرف بلي في صدرو يسكن هوما لي حبو نكونو هكدا وسمجدوش لسيدنا ادم هما لردونا للعدم هلكونا صحاب لعين والهارم ... وقتاش نتهنا من هاد الهم وقتاش العين تشوف وتحكم ... وعلاش نخبي فيمي على الناس وعلاش في رقادي نبقا نفطن... فالليل نبات فاتح العين هادوك يبقاو يدورو بيا ... ياك سياستنا حنايا بالدين بوعين ماشي الدموقراطية... لوكان كل مولا حق ينالو مكاش فالناس لي يتمسكن ... لوكان كل سارق سار فحالو لوكان بدراهم نديرو جبل رانا ولفنا نديرو الفالطات فالكور نتاعك زارع السم ... مفهمتش كيفاه لا فوت صرات تلقاها فحجرك سيلت الدم ... قدامك فاسقة بروح الشيطان فدار بباها طايحة تحشم ... رايح لدارك ونتا فرحان بميات جلدة عليك تحكم ... متزيدش تزطل كي يجي باباك مدام مخفتش تضيق لقبر ... كي توقف قدام شيخ باباك قولو ربيتني باش تحصل ... شحال من قارو يفنا فالنهار شحال محكاية تقنا فم فم شحال من واحد قابل العار لريام لي فدارو خارجة تشكم ... خويا السكران وما نسى دارو كيفاش نسيت لي خلقك قبل ... راك بين المارطو وبين المسمار تستنى الضربة لي تجي تقتل ... صوتك لي رفدتو مالواليدين فجهنم ترفدو مالعذاب ... لسان خطاء يكثر لكذب الملاىكة رح تبقى تكتب... راك تحصر روحك روحك خويا مالك تحصل معا لي عصرلك العنب... ولي كسات روحا بشبوكي كي لحوتة كاسية عارية تفتن ... ملعين لحمها راه تشقق كل واحد فطاعامو راه يفتل... سيي متشوفش فيها صحبي متخليش شهوا تقتل القلب ... اذا نا داتك ليها تعطي ا يناديك ربي تلعبها طرش ... شحال مصلاة لي راك تراطيها ا تشوف الجامع ماليه الزتش ... منهار تلفتلي طريق الجامع تلفتلي معاها طريق الراحة ... نهار تفطن تلقى عليك البيطون تعرف بلي الدنيا غير ساعة ... وين راهم دراهم وناسك غير فعلك يقضي يوم الساعة ... لا كليت لحرام مكش سالك ياك ادم كالي غير تفاحة ... لي هدرف ناس رح يقابلهم لي كلى يتيم يريب دارو... لي قتل الناس وكان ضلمهم رح يرفدهم فوق ضهرو ... كي تسقسي لي دايرها كحلة يكون جوابو ربي رحيم ... كل يوم يقول التوبة غدوة خلى الاسبوار يديه الجاحيم ... ولقى روحو في قبرو وحيد وتلف لجواب كي سقساوه ... ضاق عليه لقبر وشدوه ثم عرف بلي ذنوبو جاوه ... مام صحابو لي كانو حزنو طيحو زوج دمعات ونساوه ... كملت لحياة بلا ميحضر رماو تراب وخلاواه ... رح نبقى نغلط كيفي كيفك ... مكاش فينا لي مصفي كتابو مي نصحتك بلاك تكون خير مني قبل ما نرفدو فالتابوت ... ياه