IMA.collection

يقولو خدمت ليل يضحك عليها نهار ويقولو تاني الليل خو الضعيف
مرات نخدم فاليل وغدوة صباح نبقا حايرة ادا هدي خدمتي 😂
ومرات صح تنطبق عليا المقولة الثانية 🤍
تابعيني باش يوصلك لجديد ✅️

بزاف خياطات ينساوا بلي المشينة هي شريكتك في الخدمة وإذا ما عطييتيهاش حقها من التنظيف والتزييت راح تبدا تعييك بالخيط اللي يتقطع، الحس القوي، وحتى القماش اللي يفسد 🙅‍♀️
هادو أهم القواعد اللي لازم تمشي عليهم:
​📍 وقتاش تزييتيها؟
إذا كنتِ تخيطي كل يوم، لازم تزيتيها مرة في الأسبوع وإذا كنتِ تخيطي من ذاك مرة في الشهر كافية المهم ما تخليهاش حتى تبدا تزغرت 😁 باش تتفكريها
​💡 نصيحة :
دائماً استعملي الزيت الشفاف الخاص بالماكينات، وابعدي على الزيوت الثقيلة اللي تلم الغبار وترجع الماكينة ثقيلة.
​📢 سؤالي ليكم اليوم:
خياطاتنا الشاطرات شكون اللي مازالت تخاف تفتح الماكينة تاعها وتنظفها وحدها؟ 😂 قوليلي في التعليقات واش هي نوع ماكينتك ووقتاش آخر مرة درتيلها "Maintenance"
​ #خياطة #تفصيل

بعيدا عن الخياطة شكون تحب دعاوي الخير من عند نساء كبارات كي تخرج وتجي فرحانة كما انا 🥰
تابعيني باش يوصلك لجديد ✅️

بزاف يخلطو بين خياطة سوقي سلك سلك وخياطة متقونة متعوب عليها في أدق التفاصيل الزبونة حرة في اختيار النوعية على حساب مقدوره اطبعا ولكن معندهاش الحق تحاسب ولا تناقش خياطة تعبت وتقنت خدمتها وتقولها لقيتها خمسين ألف فالسوق بلاما تقوليلها راهي علابالها واش كاين فسوق سيدتي الكريمة ولا مجال للمقارنة والخياطة قيمت تعبها نتي ساعدك مرحبا ماساعدكش مرحبتين نتفارقو بلادنوب ولي تحب تساعد زبوناتها بطيبتك خاطر❤️هيا حرة والزبونة متروحش تقول انا خيطتهالي ب.......وتحط الخياطة في احراج مع الزبائن الاخرين
تابعيني باش يوصلك لجديد ✅️