Rayene Glam
Partager
30/04/2026
02/04/2026
سلام لبنات ان شاء الله راكم بخير يارب حبيت ندير المنشور هذا باه نولهكم لحوايج انتم ديروهم معابالكمش بلي يأثرو عليكم باه وحدة ماتحصل فيا منبعد 👌😂النصيحة لولة لي تحب دير نتواياج تع الوجه ولا ايبيلاسيون من فضلكم ماديروهش قبل عرسكم بيوم ويومين 🥹وثلاثة واربعة وخمسة وسمانة لي تحب صح دير العلاجات لوجها تبدا قبل عرسها بشهرين ثلاثة بربعة خمسة شهر عند طبيب تع جلد ولاكيما تحبو باه كي يوصل العرس يكون وجهك منور وصافي 😇لانو كون ديرو النيتواياج قبل بأيام قليلة من عرسكم وجهكم ينوض فيه حب قد السما وحاشاكم كاين لي يقيح ليها وجها وزيد يديرلكم القشور والحمورة وليطاش والفوندوتان في الحالة هاذي مهما تكون غالية ومليحة مش راح تجي مليحة في بشرة متهيجة ثانيا حبسو علينا السكريات قبل العرس كيما الشيكولا القاطو باتيسري لي jus ليموناد المهم السكر الأبيض بصفة عامة لانو او يأثر على القولون خلاااااه و يكحل الوجه والرقبة ويديرلكم الشحمة في الكبدة وكي ديرلكم الشحمة في الكبدة الشعر راح يطيح وينسل الحب يخرجلكم وينقصلكم الحديد والفيتامين دي ويديرلكم تكيسات المبايض والغدة الخ …كولو ماكلة صحية اشربو الماء بزاف ديرو ليديتوكس حبسو تاني الماكلة لي فيها غلويتييين او رهج ثالثا كي تصبغو شعوركم ماديروش الزبدة والفازلين 🥲🙄🤦🏻♀️🤦🏻♀️🤦🏻♀️🤦🏻♀️ بويسك باه يصفاو من الشعرة يحبلك ولاكوافير ولا وايفي مش راح يحكمو وتفسد لاكوافير ملخر مبعد تحصلوها فيا انا 🔪🔪😑😂لانو لالاك والتزيات ام مايتلاقاوش مع بعض الشعرة اي طيح نفس الشي مع البروتين والفيلر الشعرة اي تولي حرير مام مع gauffreur مش راح يحكم مليح وهاذي هيا كاشما نسيت فكروني😂
Cliquez ici pour réclamer votre Listage Commercial.
Type
Site Web
Adresse
Azzaba
Heures d'ouverture
| Lundi | 09:00 - 18:00 |
| Mardi | 09:00 - 18:00 |
| Mercredi | 09:00 - 18:00 |
| Jeudi | 09:00 - 18:00 |
| Vendredi | 09:00 - 18:00 |
| Samedi | 09:00 - 18:00 |
| Dimanche | 09:00 - 18:00 |
