Aγmis

[TAMANEƔT] – Yemmut ass agi ujiniṛal n tfekka n tredsa, Aḥmed Gayed Salaḥ, anmazul n uneɣlaf n temḥaddit taɣelnawt, aɣella n yiɣallen umrigen n Tredsa Taɣelnawt Taɣerfant, yernu yella-d waya ass n letniyen 23 Duǧember 2019 ɣef lǧal n tezɣent n wul. Yemmut g lεemris 79 n yiseggasen, ɣef wakken ay d-yenna yiwen n ulɣu n tselwit n tegduda.

Tamḍelt ines ad teḍru, ass n larebɛa 25 Duǧember deg Lezzayer tamaneɣt, di tmeqbert n El Σalya

Deg yiwen n yinaw ay d-yeɣra deffir tfugla n tgallit yernu s uḥdaṛ n yigensasen n wakk tisuda n uwanak, yefka-d Tebbun izirigen imeqranen n wahil ay yessefray ad t-yeg war leɛḍil, ladɣa imi tagnit d « tanafrit ».

Yerra tajmilt uselway i udduqqes aɣelnaw ay d-yellan deg tefranin tiselwayanin n 12 Dujembeṛ ayyes tamurt tessanef i wuguren ay izemren ad ḥazen arkad n uwanak, am wakken ay yerra daɣ tajmilt i temlilt ay turar Tredsa Taɣelnawt Taɣerfant deg umzaɣ n tnaya taɣelnawt, aḥraz n urkad n tmurt d tmunit n umussu aɣerfan ay d-ilulen ass n .

Aɣella n uwanak iger-d tiɣri i tdukli n wakk arraw n tmurt, akken yebɣu yili umgerrad-nsen, yernu yessefk ad rren afus deg ufus akken ad ṣken « Tagduda Tamaynut, d tujhidt yernu tesɛa lhiba », d tin yebnan ɣef yimenzayen n Tegrawla n Wamber 1954 yellan d « tawelha-nneɣ ».

I lmend n tlalit n Tegduda-a Tamaynut, iwekked-d dakken Lezzayer teḥwaj ad tesɛu tuzwirin. Deg tegnit-a, iwekked-d dakken awanak yefka-d tameẓẓuɣt i « wuggumen ilqayanen » n uɣref, ladɣa deg wayen yerzan « tanbaḍt tamaynut, awanak n usaḍuf, taɣdemt tanmettit d tlelliyin timegdayin ».

WSZ