Informatique dz

السلام عليكم.
خاوتي ان شاء الله تكونوا ملاح. جيتكم اليوم بمنشور نحكي فيه خاصة على الناس لي حابة تبدا programming و ما لقاتش كيفاش.
اولا و قبل كل شيء الناس تتسائل: هل نتعلم اولا الخوارزميات او نتعلم اللغة ؟ و وشمن لغة نبدا بيها ؟
نبداو بحكاية الخوارزميات ... انا شخصيا نظن ما تحتاجش تبدا بيهم حاليا، اختر لغة ما يهمش C Python Java C # JavaScript ... والله ما يهم حاليا، اتعلم اللغة، الاساسيات، وش هي variable ، و وش هي Function / Method، وش هي Boucle ... من بعد تبدا هنا تتعلم الخوارزميات باللغة هاذيك ... راح تجيك اسهل + راح تربح وقت.
صحا، تعلمت لغة، تعرف خوارزميات linked lists, Queue, Stack, Search algorithm.
وش ضرك ؟ ساهلة، ابدا بالتطبيق اليدوي، التدريب ف عالم البرمجة اهم حاجة بلا نقاش، اخدم تطبيقات صغار ، بداها وحدة بوحدة ... ابدا حاسبة صغيرة، لعبة خمن الكلمة ... اذا حاب web دير صفحة بسيطة، عنوان صورة و شوي كلام ... خليها سهلة، من بعد طلع شوي فالصعوبة ... وحدة وحدة، هكذا تلقا روحك كملت المشاريع لي عندك + تستفاد.
اني درت مشاريع و نعرف ندير اي حاجة صغيرة / متوسطة لكن ما عرفتش نكمل، هاذي نخلوها للمرة الجاية
ضرك السؤال ... منين نتعلم ؟ انا هنا نعطيك مراجع بالإنجليزية... والمرة الجاية بالعربية إن شاء الله...
Android application and a website for almost all languages + Some AI courses
https://SoloLearn.com
All Languages website
https://www.codecademy.com/
Web development for beginners
https://w3schools.com
قد تكون صورة لـ ‏نص مفاده '‏‎THE c python PROGRAMMING C # LANGUAGE C++ J5 JavaScript lava php

البداية باللغة الام C 👌🏻