LABdeMED

LABdeMED ta hopi orguyoso di nos selekshon nashonal. Nan a representá nos isla dignamente i a marka historia.

Tambe nos ke yama Federashon Futbol Kòrsou danki pa nan trabou inkansabel. Boso a lucha pa un soño ku hopi no a kere den dje. Awe, danki na boso i nos selekshon, gran parti di mundu sa di nos pida baranka.

Menasahe na nos selekshon: Kara na laira yònkumannan. Nos tin 2 wega mas pa bai. Mientras nochi no sera, kareda di biná no a kaba!

Djabièrnè 12 di yüni, nos tabata tin nos “Di bèrdè pa blou Happy Hour” kaminda ku empleadonan di LABdeMED a pasa un ratu ameno ku otro disfrutando di e ambiente di futbòl. Nan por a gana varios premio, entre otro 2 “jersey”. Tambe nos a otorgá Liesjeke su “jersey” outentiko ku el a gana durante nos kampaña.

Di e manera aki, nos di LABdeMED ke demostrá nos apoyo na nos selekshon i tambe kontribuí na e “Nation Building” ku nos selekshon a kuminsá ku ne.

Di bèrdè pa blou, LABdeMED tur tur ku Kòrsou!