Behgjet Pacolli

Kjo që po ndodh në Vlorë, ky terrorizim i grupeve kriminale ndaj punonjësve të investitorit të vetëm Mabco (pronarit të 98% të kuotave), i cili është i ekspozuar me mbi 300 milionë euro në Vlorë, i inkurajuar nga vendime gjyqësore të përkohshme, joligjore dhe jokushtetuese, e ka zanafillën te veprimet e pamoralshme, të dënueshme, mashtruese dhe tradhtare të Valon Llukës. Ai erdhi në grupin Mabetex, kaloi nëpër shumë funksione, u pasurua dhe në fund, pas 18 vitesh, tregoi fytyrën e tij të vërtetë dhe tradhtoi besimin që ia kishim dhënë.

Siç po e shihni, prej 9 muajsh jemi duke u përballur çdo ditë me trauma marramendëse, në kërkim të së drejtës dhe në përpjekje për të evituar më të keqen.

Tani po te drejtohem ty, A nuk të mjaftonte paga prej 30 mijë eurosh (me të gjitha të mirat e mirëkuptimin që kishe), por fute duart edhe te tjetërsimi i pronës që nuk është e jotja. Si munde ta shesësh pronën e huaj? Kush të shtyu ta bësh atë? E bëre për një përqindje, ashtu siç të kishte premtuar partneri yt në këtë vepër kriminale, nëse do ta kryenit me sukses këtë akt të shëmtuar.

Ti falsifikove dokumente, vula dhe çdo gjë tjetër. Pse, para se ta kryeje këtë akt të shëmtuar, nuk erdhe të kërkoje ndihmë, si herët e tjera? Ndoshta do të të kisha ndihmuar. Pse e mbajte këtë akt të fshehur për më shumë se 5 muaj, derisa rastësisht e zbuluam, pse unë nuk kisha bërë asnjë hulumtim, sepse kisha besim tek ti?

Ti i përbuze të gjitha: përbuze bujarinë dhe shtëpinë time. Mos harro se drejtësia, herët a vonë, vjen si rrufeja.

Ky postim nuk është i rastësishëm; ai ka karakter konstruktiv dhe paralajmërues, sidomos kur bëhet fjalë për pista të reja, si ajo e aeroportit të Vlorës.

Nëse e shikoni këtë link, do ta kuptoni se sa jetike është siguria në aviacion. Një nga elementet më kyçe është respektimi strikt i standardeve ndërkombëtare gjatë ndërtimin dhe mirëmbajtjes se pistave të aterrimit dhe ngritjes.
Çdo neglizhencë apo devijim nga këto standarde mund të sjellë pasoja fatale dhe të rrezikojë drejtpërdrejt jetën e pasagjerëve dhe ekuipazhit.

Pra novoitet ZERO tolerance!

#aircraft | FL360aero | 39 comments A more clear visual by dnevnik.hr showing the brutal force of PW1524G-3 engines while the 11 month old Croatia Airlines Airbus A220-300 aircraft (9A-CAN) veered off ploughing through the grass next to the Runway. The Air Traffic Accident Investigation Agency says it was a serious incident that occur...

Nga periferia dhe pa asnjë interes partiak, po e shoh me zhgënjim të madh se politika në Kosovë vazhdon të dominohet nga interesa personale, klanore dhe partiake, shpesh në dëm të qytetarëve dhe të vetë shtetit.

Sot më shumë flitet për pushtet, patriotizëm të rremë dhe përplasje politike, sesa për zhvillim ekonomik, mirëqenie dhe të ardhmen e vendit. Fatkeqësisht, mungon vullneti për bashkëpunim serioz në interes të Kosovës.

Unë nuk arrita t’i realizoj synimet e mia sepse besoja në ndershmëri, meritokraci, respekt dhe zhvillim, vlera që kjo kulturë politike nuk i pranon lehtë.

Jam i bindur se shoqëria jonë do të vazhdojë të përballet me shumë mangësi, pikërisht për shkak se ide të rëndësishme, të propozuara vite më parë, nuk u zbatuan. Një shembull është propozimi im para 20 vitesh për zgjedhjen e Presidentit nga populli, i cili atëherë u refuzua me kritika të shumta, ndërsa sot pothuajse të gjithë pajtohen se ishte një domosdoshmëri.

Apeli im për qytetarët është i thjeshtë: lini anash inatet dhe retorikat boshe. Votoni njerëz me integritet, vizion dhe përgjegjësi, njerëz që punojnë për qytetarët ( nese i gjeni ata ) dhe jo për interesat e ngushta partiake.

Ka shumë njerëz që përballen me vështirësi që nuk mund të presin. Kur e ke përjetuar vetë mungesën, e kupton se ndihma nuk është luks por përgjegjësi.

Unë besoj se suksesi ka vlerë vetëm atëherë kur ndahet me të tjerët.

Për më shumë se tre dekada, kjo bindje është kthyer në veprim përmes Fondacioni Behgjet Pacolli.

Mbi 40 milionë euro janë investuar, por ajo që ka më shumë rëndësi janë jetët që kanë ndryshuar.

Nëse doni ta kuptoni këtë rrugëtim më nga afër, ju ftoj ta vizitoni faqen zyrtare dhe të njiheni me historitë që e mbajnë gjallë këtë mision.

fondacionibehgjetpacolli.org

Pamje mahnitëse e kësaj dite pranverore mbi natyrën që Zoti ia dhuroi njerëzimit.

Çdo gjë e bukur: male, pyje, det, kodra, liqene… një kompozicion fantastik!