Firdeus Channel

Ky është polici 34 vjeçar që u vra në krye të detyrës
Një ngjarje e rëndë ndodhi këtë të enjte në Lozhan të Maliqit, ku një oficer i shqiponjave mbeti i vrarë gjatë shkëmbimit të zjarrit me një person në kërkim.
Viktima është 34 vjeçari Enea Mekolli. Gjatë shkëmbimit të zjarrit me 43 vjeçarin Violand Braçellari, i dënuar me 10 vite burg për trafik narkotikësh, oficeri i ‘shqiponjave’ mori një plumb i cili rezultoi fatal. Gjatë shkëmbimit të zjarrit mbeti i plagosur dhe oficeri Edison Adri, 36 vjeçar, i cili mori një plagë në pjesën e nofullës.
43 vjeçari Violand Braçellari ishte fshehur në një stan. Policia ra në gjurmët e tij dhe rrethoi vendin. 43 vjeçari iu përgjigj me zjarr thirrjeve të policisë për t’u dorëzuar.
Autori i krimit po ashtu u plagos në pjesën e barkut e mandej u arrestua. Ai u dërgua fillimisht me urgjencë në spital.
Braçellari rezulton të jetë i dënuar (në mungesë) me 10 vite burgim për akuzën e trafikut të lëndëve narkotike. Ai u mor i pandehur më 2024 dhe dënua këtë vit. Mbetet ende e paqartë sesi Braçellari u lirua, në kohën kur gjykata kishte vendosur 10 vite burgim për të.

Tragjedi në plazhin e Shëngjinit, dy të rinj nga Kosova mbyten në det
5 shqiptarë nga Kosova kanë rrezikuar të mbyten sot në zonën e Ranës së Hedhun në Shëngjin. Disa banorë aty kanë ndërhyrë me jet ski dhe i kanë ardhur në ndihmë. Personat janë marrë nga dallgët e forta, shkaktuar nga era dhe moti i cili është përkeqësuar në orët e fundit.
Ambulanca i ka transportuar me urgjencë në spital. Fatkeqësisht dy prej tyre kanë humbur jetën, ndërsa tre të tjerët po marrin ndihmë mjekësore. Ende nuk dihet gjendja e tyre shëndetësore.