HUNNE BASEL

Alässlig em Niklaus Lang sym runde Geburdsdaag, hänn mir für aimol ihm dörfe e glaine Helge überraiche. Mir HUNNE gratuliere dir zum Wiegefescht und bedangge uns, für die viele tolle Bilder wo du immer vo uns machsch an dr Birsyg-Sinfonie.

Merci viel mol Niggi und bis hoffentligg bald wieder mol!

Hesch Luscht uff e tolli Truppe, machsch gärn Muusig und hesch di Instrumänt im Griff - denn mäld di bis uns!

PS: Au im Vortrab kasch bi uns als vollwärtigs Mitglied mitmache.

Nach dr Wiehnacht isch vor dr Fasnacht
Am 10. Januar starte mir mit em zweite Probedaag und zwei Ufftritt in die schönschti Zyt vom Joor. Dernoo folge zwei Ufftritt an ere Benefizveraastaltig in dr Saafre-Zunft, e Weekend in Thun und e Waageyyweihig in Oberwil. Als Start vo dr Basler Fasnacht denn no unser Aapirsche am Samschtig vorhär. Details derzue findsch jewils uff unserer Websyyte.

Bis dört aahne wünsche mir euch e tolle Abschluss und naddürligg e guete Start ins 2026.

Geschter het die zwanzigschti Generalversammlung im Restaurant Fat-Inn stattgfunde. Es bliebt alles bym Alte – mir setze wyterhin uff Kontinuität und freue uns uff e spannends neuis Vereinsjoor!
E paar Mitglieder hänn uns verloo, glichziitig freue mir uns über früsche Wind: neui Interessierti stosse zu uns. Häärzligg Willkomme! 💪😊

Viele Dangg an unser Lieblings-Vroni und ihrne Hälfer für d'Location und d'Bewirtig. Au an d'Barbara Muchenberger e häärzligg Danggscheen für die tolle Caps.

Hou Hou Hou
HUNNE BASEL

PS: Vereinsliebi goht bi gwüssne buechstäbligg unter d'Huut 🤣🤣🤣