Avrora Group

“Avrora” və “Veysəloğlu”nun həmtəsisçisi olduğu komanda ölkə çempionu oldu

18 yaşadək voleybolçu qızlar və oğlanlar arasında keçirilən ölkə birinciliyində qaliblər bəlli olub. Final oyunları Gənclər və İdman Nazirliyinin Voleybol Mərkəzində keçirilib.

Qızların final görüşündə “Avrora” və “Veysəloğlu”nun həmtəsisçisi olduğu “Milli Aviasiya Akademiyası” komandası “Lokomotiv” üzərində 3:0 hesablı qələbə qazanaraq çempionluğa yüksəlib. Oğlanların finalında isə “Şərqi Zəngəzur RVK” komandası “ORDU”nu eyni hesabla məğlub edərək birinciliyin qalibi olub.

Qızların yarışında “Lokomotiv” ikinci, “Möminə Xatun” isə üçüncü yeri tutub. Oğlanların mübarizəsində “ORDU” gümüş, “Murov Az Terminal” komandası isə bürünc medal qazanıb.

Yarışın sonunda təşkil olunan mükafatlandırma mərasimində qaliblərə kubok və medallar təqdim edilib. Mükafatları Azərbaycan Voleybol Federasiyasının (AVF) prezidenti Şahin Bağırov, vitse-prezidentlər Faiq Qarayev və Bəhruz Quliyev, baş katib Faiq Orucov, maliyyə direktoru Sənan Cəfərov, “Avrora Qrup”un prezidenti Ceyhun Abbasov, Veysəloğlu Şirkətlər Qrupunun baş icraçı direktorunun müavini İlqar Nuri, “Murov Az Terminal” VK-nın prezidenti Cavid Kərimov, “AZERRAIL” VK-nın prezidenti Ramin Əzizov, AVF-nin Naxçıvan filialının prezidenti Vüqar Əliyev və “Şərqi Zəngəzur RVK”nın prezidenti Niyaməddin Paşayev təqdim ediblər.

Azərbaycan və Ermənistan arasında baş vermiş Aprel döyüşlərinin başlanmasından 10 il ötür.

Vətən uğrunda canından keçən bütün şəhidlərimizi dərin ehtiramla anırıq!

Baharın son müjdəçisi – Torpaq Çərşənbəsi hər evə sevinc və bərəkət gətirsin! 🌱

Torpaq Çərşənbəniz mübarək!

Od çərşənbəsi Novruzun dörd çərşənbəsindən biri olaraq oyanışı, istiliyi və yenilənməni simvolizə edir. Qədim inanclara görə, od insanı pisliklərdən, mənfi enerjidən təmizləyir, evlərə bərəkət və işıq gətirir.

Od çərşənbəsi həm də birliyin, ailə istiliyinin və ümidin rəmzidir.

Od çərşənbəniz mübarək!

“Bizon Max Kokteyl Yarışması 2026” uğurla başa çatıb

2026-cı ilin ən iddialı bar layihələrindən biri olan “Bizon Max Kokteyl Yarışması” uğurla yekunlaşıb. Layihə zamanı HoReCa sektorunun peşəkarları bir araya gəlib. Yarışma əyləncə sektorunda kokteyl mədəniyyətinin inkişafına xüsusi töhvə verən irimiqyaslı platformaya çevrilib.

Müsabiqəyə ümumilikdə 72 nəfər müraciət edib. Final gecəsində isə iştirakçı sayı 250 nəfərdən çox olub. Yarışda iştirakçılar yaradıcılıq, texniki bacarıq və təqdimat meyarları əsasında qiymətləndirilib. Münsiflər heyəti tərəfindən seçilən ən yaxşı kokteyllərin restoran və bar menyularına daxil edilməsi üçün tövsiyə olunacağı bildirilib.

Qaliblərə yarışmanın nəticələrinə uyğun olaraq dəyərli hədiyyə və mükafatlar təqdim olunub.