DataService.az

Microsoft Research fizika üzrə mütəxəssisləri 10 000 ildən çox müddət ərzində məlumat saxlaya bilən yeni optik yaddaş texnologiyası hazırlayıblar.

4,8 TB məlumat cəmi 120 mm² sahəyə yerləşdirildi

Yeni texnologiya SSD və HDD-lərə alternativ kimi təqdim olunur. Şirkətin məlumatına görə, cəmi 120 mm² sahəsi və 2 mm qalınlığı olan şüşə lövhəyə 4,8 terabayt məlumat yerləşdirmək mümkün olub.

Texnologiya necə işləyir?

Metodun əsasında femtosaniyəlik (çox qısa) lazer impulsları dayanır. Bu lazer şüşənin (borosilikat şüşə) daxilində materialın işıq sındırma xüsusiyyətlərini nöqtəvi şəkildə dəyişir.

Nəticədə şüşənin içində voksel adlanan üçölçülü “piksel”lər formalaşır. Hər bir voksel eyni anda bir neçə bit məlumat saxlaya bilir.

Bir lazer şüası ilə yazma sürəti 25,6 Mbit/s təşkil edir ki, bu da böyük həcmli məlumatların sürətli arxivləşdirilməsinə imkan verir.

SSD-lər uzunmüddətli arxiv üçün risklidir

SSD-lər NAND Flash yaddaşda məlumatı elektrik yükü ilə saxlayır. Enerji verilmədikdə zamanla yük azalır və bit error, read failure və ya tam data loss riski yaranır.

JEDEC standartlarına görə:
• QLC – ~1 il
• TLC – ~3 il
• MLC – ~5 il
• SLC – ~10 il (enterprise)

Consumer SSD-lər (TLC/QLC) üçün
12–24 ay enerjisiz qalmaq kritik hesab olunur.

📌 Arxiv üçün tövsiyə:
✔️ HDD (offline storage)
✔️ NAS + RAID
✔️ Cloud + immutable backup