Marsol Group

Marsol Group partnyorları arasında işgüzar əlaqələrin genişləndirilməsi və yeni əməkdaşlıq imkanlarının dəyərləndirilməsi məqsədilə təşkil olunan ofis ziyarətləri davam edir.

İyunun 1-də Marsol Group partnyorları ofis ziyarəti çərçivəsində “Yunik" şirkətində qonaq olub. Görüş zamanı iştirakçılar fəaliyyət istiqamətləri, təqdim etdikləri məhsul və xidmətlər barədə məlumat mübadiləsi aparıb, potensial əməkdaşlıq imkanlarını müzakirə ediblər.

“Yunik” şirkətinin təsisçisi Coşqun Məmmədov şirkətin fəaliyyəti barədə ətraflı məlumat verib.

Partnyorlarla birlikdə şourum ziyarət edilib.

Daha sonra Marsol Group partnyorları UNİON Doors və Unicons şirkətlərini ziyarət ediblər.

Qeyd edək ki, “Yunik” korporativ formaların, məktəbli formalarının və qoruyucu iş geyimlərinindizaynı, istehsalı və paylanması üzrə ixtisaslaşmış Azərbaycan şirkətidir.Keyfiyyət, innovasiya və etibarlılığa diqqət yetirərək, Yunik, biznes və təhsilmüəssisələrinin unikal ehtiyaclarına cavab verən xüsusi hazırlanmış vahid həllərtəqdim etməyi hədəfləyir.

23 iyun tarixində 7-ci "Yerli Şirkətlərin Tanıtım Sərgisi"nin yekununa həsr olunmuş axşam ziyafəti keçirilib.

Tədbirdə dövlət və özəl sektor nümayəndələri, sahibkarlar, tərəfdaş qurumlar və sərgi iştirakçıları bir araya gəliblər. Gecə ərzində sərginin təşkilinə dəstək göstərən tərəfdaş və sponsor qurumlar, eləcə də fərqlənən şirkətlər təltif olunub. Daha sonra tədbir bədii hissə ilə davam edib.

Həmçinin Marsol Academy-nin “Gələcəyin Sahibkarları” layihəsinin iştirakçılarına diplomlar təqdim edilib.

📌 Ətraflı: https://bit.ly/4etflFX

18 iyun tarixində 7-ci “Yerli Şirkətlərin Tanıtım Sərgisi” çərçivəsində “Aztrade”, “Novax Group”, “Facility Management Group”, “Neqsol Holding” və “PMD project” şirkətləri ilə B2B görüş keçirilib.

Görüş zamanı sahibkarlar məhsul və xidmətlərini təqdim edib, şirkətin satınalma prosesi ilə bağlı məlumat əldə ediblər. Tərəflər arasında qarşılıqlı sual-cavab aparılıb, əməkdaşlıq imkanları və gələcək tərəfdaşlıq perspektivləri müzakirə olunub.