DVC

Zərifliyi, gücü və sevgisi ilə dünyamızı gözəlləşdirən bütün xanımların 8 Mart – Beynəlxalq Qadınlar Günü mübarək! 🌷

Martın 2-də ADA Debat Klubu tərəfindən “ADA Talks” adlı ilk motivasiya və fikir platforması uğurla təşkil olunub. ⚡️

Tədbirin əsas məqsədi tələbə və müəllim heyəti üçün açıq fikir mübadiləsi mühiti yaratmaq, təhsil, şəxsi inkişaf və peşəkar təcrübə istiqamətində ilhamverici çıxışlar vasitəsilə akademik dialoqu təşviq etmək olmuşdur.

Proqram çərçivəsində çıxış edən iştirakçılar öz təhsil yollarını, karyera mərhələləri, qarşılaşdıqları çətinliklər və qazandıqları təcrübələr barədə auditoriya ilə səmimi və motivasiyaedici fikirlərini bölüşmüş, interaktiv müzakirə mühiti formalaşdırıb. Tədbir universitet daxilində intellektual aktivliyin və ictimai iştirakçılığın gücləndirilməsinə xidmət edib.

Tədbirin rəsmi açılış nitqi ADA Universitetinin prorektoru Fariz İsmayılzadə tərəfindən edilmiş, o, çıxışında gənclərin təşəbbüskarlığının, akademik mühitdə fikir azadlığının və liderlik bacarıqlarının inkişafının əhəmiyyətini xüsusi vurğulayıb.

“ADA Talks” platformasının gələcəkdə daha geniş miqyasda davam etdirilməsi və ənənəvi tədbir formatına çevrilməsi nəzərdə tutulur.✨
debatesociety gələcək fəaliyyətlərində uğurlar arzu edirik!💜

Şəki Regional Debat Mərkəzi-nin XIV Hesabat Konfransı keçirilib.

Şəki şəhərində Şəki Regional Debat Mərkəzi-nin XIV hesabat konfransı uğurla baş tutmuşdur. Konfransda şəhər ictimaiyyətinin nümayəndələri, "Vətəndaş Cəmiyyətində Debat" İctimai Birliyinin sədr müavini və debatçılar iştirak etmişlər.

Tədbirin əsas məqsədi mərkəzin ötən hesabat dövrü ərzində həyata keçirdiyi fəaliyyətlərin təqdimatı, əldə olunmuş nailiyyətlərin və qarşıda duran vəzifələrin müzakirəsi olmuşdur. Konfrans zamanı gənclərin debat bacarıqlarının inkişafı istiqamətində görülən işlər, təşkil olunmuş təlimlər, turnirlər və ictimai fəallığın artırılmasına yönəlmiş layihələr barədə ətraflı məlumat verilmişdir.
debate.center fəaliyyətində uğurlar arzu edirik!💜

2 Fevral- Azərbaycan Gəncləri Günü🎉

Ölkəmizin gələcəyini formalaşdıran bütün gənclərə sağlamlıq, davamlı uğur və yeni nailiyyətlər arzulayırıq!✨

Əziz gənclər, gününüz mübarək yolunuz açıq, məqsədləriniz böyük olsun!💜