tech.az

Starlink Qırğızıstanda rəsmi fəaliyyətə başladı

İlon Maska məxsus peyk internet xidməti Starlink rəsmi olaraq Qırğızıstanda fəaliyyətə başlayıb. Şirkətin ölkədəki tərəfdaşı “Elkat” layihənin artıq aktiv mərhələyə keçdiyini bildirib. Starlink-in rəsmi saytında da Qırğızıstan xidmətin əlçatan olduğu ölkələr siyahısına əlavə olunub.

Məlumata görə, fərdi istifadəçilər üçün aylıq abunə qiyməti 10 min somdan başlayır. “Starlink Mini” avadanlıq dəstinin qiyməti isə 36 min som təşkil edir.

Qeyd edək ki, Starlink daha əvvəl Tacikistan, Qazaxıstan və Azərbaycanda da istifadəyə verilmişdi.

Tramp Sİ əvəzinə səhvən suşi restoranına milyon DOLLARLAR İNVESTİSİYA EDİB

ABŞ prezidenti Donald Trampın səhvən süni intellekt şirkəti əvəzinə suşi restoranları şəbəkəsinə milyonlarla dollar investisiya etdiyi iddia olunur. Məlumata görə, Tramp “Kura Sushi USA” şirkətinin səhmlərinə 1–5 milyon dollar arasında yatırım edib. Sosial şəbəkə istifadəçiləri isə onun “Kura” brendini AI avadanlıqları istehsal edən Yaponiyanın “Fujikura” şirkəti ilə səhv saldığını düşünür. Son aylarda Nvidia, Apple və Dell kimi texnologiya şirkətlərinə yatırım edən Trampın bu addımı geniş müzakirələrə səbəb olub. Hadisədən sonra “Kura Sushi” səhmləri 5,4% bahalaşıb. Tramp tərəfi isə məsələ ilə bağlı hələlik açıqlama verməyib.

“e-Sosial” tətbiqinin bütün funksiyaları “mygov”a keçdi

“e-Sosial” tətbiqinin bütün funksiyaları artıq “mygov” platformasında birləşdi. Mayın 1-dən etibarən “e-Sosial” tətbiqi fəaliyyətini dayandırıb və bütün xidmətlər vahid rəqəmsal platforma üzərindən təqdim olunur. Artıq sosial ödənişlər, pensiya, əlillik, reabilitasiya, əmək münasibətləri və digər xidmətlərə daha rahat, sürətli və təhlükəsiz şəkildə “mygov” vasitəsilə çıxış əldə etmək mümkündür.