Epilab

Միֆ 4. «Ասեղային մազահեռացումը կարող է առաջացնել փոսիկներ կամ սպիեր»: Ճիշտ կատարված էլեկտրոէպիլյացիայի պրոցեդուրան չպետք է վնասի մաշկը: Այնուամենայնիվ, անորակ սարքավորումները կամ պրոֆեսիոնալ սարքերի ոչ պատշաճ օգտագործումը կարող են հանգեցնել անցանկալի հետևանքների: Հետևաբար, պրոցեդուրայից առաջ միշտ կապվեք մասնագետների հետ և ստուգեք նրանց հեղինակությունը:
Միֆ 5. «Ասեղային մազահեռացումը հարմար է բոլորի համար»: Չնայած էլեկտրոէպիլյացիան անվտանգ և արդյունավետ տեխնիկա է, յուրաքանչյուրը կարող է տարբեր արձագանքներ ունենալ դրա նկատմամբ: Որոշ դեպքերում, ինչպիսիք են մաշկի որոշակի հիվանդություններ, կարդիոստիմուլյատորի առկայություն, էպիլեպսիա, էլեկտրոէպիլյացիան հակացուցված է: Կան այլ խնդիրներ, որոնց դեպքում կարող են պահանջվել լրացուցիչ նախազգուշական միջոցներ: Հետևաբար, նախքան պրոցեդուրան սկսելը, միշտ խորհրդակցեք բժշկի և մասնագետի հետ համատեղ: Ասեղային էպիլյացիայի հակացուցումներին լիարժեք կանդրադառնամ հետագա հրապարակումներում:
Հուսով եմ, որ ինֆորմացիան կօգնի ձեզ հասկանալ ասեղային էպիլյացիան ավելի մանրամասն: Եթե ունեք լրացուցիչ հարցեր, խնդրում ենք կապվել մեր հետ: Մաղթում եմ բոլորին մաքուր և հարթ մաշկ:

Մանրամասների համար👇🏻

📞041 244236
📍Մաշտոցի 21

Էպիլաբում ստերիլ է,
ինչպես վիրահատարանում

Մեզ մոտ բոլոր մեկանգամյա օգտագործման նյութերն օգտագործվում են մեկ անգամ!!!

Դա առաջին հերթին վերաբերում է ասեղներին։ Մենք օգտագործում ենք ստերիլ փաթեթավորված մեկանգամյա օգտագործման ասեղներ, որոնք նախատեսված չեն օգտագործման 2-րդ անգամ, նույնիսկ նույն հաճախորդի համար։
☝️Ամեն անգամ հաճախորդը գալիս է պրոցեդուրայի տարբեր առողջական վիճակով։

Բազմակի օգտագործման գործիքներից են ունելիները (պինցետները), որոնք անցնում են պատշաճ ախտահանում, որը կատարվում է 3 փուլով։ Նախ դրանք ընկղմվում են ախտահանող հեղուկի մեջ, լվացվում հոսող ջրի տակ, փաթեթավորվում և տեղադրվում են ավտոկլավի մեջ, որը բարձր ճնշման գոլորշու միջոցով ստերիլիզացման մեթոդ է։

Աշխատանքային մյուս նյութերը` ձեռնոցներ, սավաններ, անձեռոցիկներ և այլն, դեն են նետվում և կրկնակի չեն օգտագործվում։ Բոլոր օգտագործվող մակերևույթներն ախտահանվում են ամեն հաճախորդից հետո։

Մենք հետևում ենք մաքրությանն ու պահպանում ենք բոլոր սանիտարահիգիենիկ կանոնները, քանի որ հաճախորդի առողջությունը մեր պատասխանատվությունն է։

Այս ամենն, իհարկե, պարզ և տրամաբանական է, բայց ամեն դեպքում... ցանկանում ենք շեշտել սա։

Իսկ դուք ուշադրություն դարձնու՞մ եք գեղեցկության ոլորտում սանիտարահիգիենիկ կանոնների պահպանմանը։

Ամեն ինչ լավ է լինելու

Որքան մոտենում են տոները, այնքան մանկանում և հավատում ենք հրաշքների: Այս տարի, հատկապես, զգացողություն կա, որ ինչ-որ հրաշքով ամեն ինչ փոխվելու է: Թե՛ երկրում, թե՛ աշխարհում տիրող քաոսը մեզ կարծես հյուծել է, բայց բոլորիս հոգում կա այն փոքրիկ հույսը, որ ամեն ինչ լավ է լինելու:

Եկեք սնենք ու փայփայենք այդ հույսը, որ այն արագ մեծանա և իսկական հրաշք գործի: Այս տարի փորձենք ուրախանալ ամեն մանրուքով և երջանիկ լինել ամեն պահի: Ժամանակն այնքան արագ է սլանում, լիքը խենթություններ անեք, որ հիշելու ու պատմելու բան ունենանք: Գրկենք մեր ձագուկներին ու նրանց զգացողություն պարգևենք, որ աշխարհը  հրաշքներով լի է, որովհետև հենց նրանք են փոխելու մեր ապագան:

Հեքիաթային Ամանոր եմ մաղթում բոլորիս 💙