Prison Monitoring Group
Share
Overseeing penitentiary institutions is one of the primary functions of civil society since the risk of violation of the detained persons’ rights is greater in closed institutions. The procedure of public monitoring of the penitentiary institutions and the staff of public monitoring group were established by order of the Minister of Justice of the RA in 2005. According to the above-mentioned proce
16/06/2026
2026 թվականի հունիսի 6-ին Դիտորդների խումբը այցելել է ՀՀ ԱՆ «Նուբարաշեն» քրեակատարողական հիմնարկ, առանձնազրույցներ ունեցել ազատազրկված անձանց հետ, ինչպես նաև դիտարկել խցային պայմանները։
Առանձնազրույց է տեղի ունեցել նաև կալանավորված անձ Արտուր Օսիպյանի հետ։ Վերջինս հայտնել է, որ ունի ողջամիտ վախեր իր կյանքի և անձնական անվտանգության վերաբերյալ, որոնք, ըստ նրա, պայմանավորված են հանրային հնչեղություն ստացած քաղաքական հայտարարություններով և իր ներկայիս կարգավիճակով։ Հիշեցնենք, որ 2026թ․-ի հունիսի 10-ին Արտուր Օսիպյանի նկատմամբ կիրառված խափանման միջոց կալանքը վերացվել է և նա ազատ է արձակվել։
ՀՀ արդարադատության նախարարությունը (ԱՆ) պատասխան գրությամբ տեղեկացրել է, որ հիմնարկում պահվելու ողջ ժամանակահատվածում Արտուր Օսիպյանի կյանքի, առողջության և անձնական անվտանգության ապահովման նպատակով կատարվել է անհատական ռիսկի գնահատում և ձեռնարկվել են անհրաժեշտ կանխարգելիչ միջոցառումներ։
Այցի ընթացքում Խմբի անդամները տեսակցել և առանձնազրույցներ են ունեցել նաև հացադուլ հայտարարած կալանավորված անձանց։ Խումբը հատկապես մտահոգիչ է համարում այն հանգամանքը, որ հացադուլի մեջ գտնվող անձինք շարունակում են պահվել խիստ խոնավ, ցուրտ, գարշահոտ և բնական լուսավորության անբավարար պայմաններում գտնվող խցերում։
ՀՀ ԱՆ պատասխան գրությամբ հայտնել է, որ հացադուլ հայտարարած անձինք տեղափոխվել են վեցերորդ մասնաշենքի 001 խուց, որը գտնվում է բարվոք վիճակում, ունի բնական և արհեստական լուսավորություն, առանձնացված և մոտ զբոսահրապարակ, ինչպես նաև առկա չեն խոնավության հետքեր։ Ըստ ԱՆ-ի 2025 թվականին 10-րդ խցում իրականացվել են վերանորոգման աշխատանքներ, սակայն կարճ ժամանակահատված անց կրկին առաջացել է խոնավություն, ինչի վերաբերյալ կցվում են համապատասխան լուսանկարները։
Միաժամանակ արձանագրվել է, որ կալանավորված անձ Հ․Ս-ն շուրջ 26 օր հացադուլի մեջ գտնվելու պայմաններում շարունակում է բարձրացնել իր երկու անչափահաս երեխաների հետ տեսակցության կազմակերպման խնդիրը՝ նշելով, որ արդեն ամիսներ շարունակ զրկված է նրանց տեսնելու հնարավորությունից։ Խումբը այս մասով դիմել էր ինչպես ՀՀ ԱՆ-ին, այնպես էլ ՀՀ աշխատանքի և սոցիալական հարցերի նախարարությանը։ ՀՀ ԱՆ-ի կողմից տրվել է պարզաբանում այն մասին, որ կալանավորի դիմումի հիման վրա Հիմնարկը 2026 թվականի հունիսի 10-ին համապատասխան գրություն է ուղղել են «Սյունիքի մարզի երեխայի և ընտանիքի աջակցության կենտրոն» պետական ոչ առևտրային կազմակերպությանը՝ տեղեկանալու կալանավորված անձ Հ․Ս․-ի և իր անչափահաս երեխաների տեսակցության կազմակերպման հնարավոր միջոցների մասին։
Դիտորդների խումբը ՀՀ ԱՆ-ին ուղղված գրությամբ ներկայացրել է նաև այլ ազատազրկված անձանց կողմից բարձրաձյանցված խնդիրները և խնդրել համապատասխան քայլեր ձեռնարկել։
2026թ-ի հունիսի 16-ին ստացվել է ՀՀ արդարադատության նախարարության պատասխան գրությունը։ Գրության ամբողջական տարբերակին կարող եք ծանոթանալ հետևյալ հղմամբ․
https://drive.google.com/file/d/1w9kFmVH62zsBRAKvVECkHdVe2cBMtRib/view?usp=sharing
@подписчики
Nikol Pashinyan / Նիկոլ Փաշինյան
ՀՀ կառավարություն
ՀՀ արդարադատության նախարարություն/Ministry of Justice of Armenia
Council of Europe Office in Yerevan Երևանում Եվրոպայի խորհրդի գրասենյակ
European Union in Armenia
Factor TV Media Center/Մեդիա կենտրոն Ժողովրդավարության Զարգացման Հիմնադրամ/Democracy Development Foundation Հանրային վերահսկողություն ՀԿ/Public Control NGO Dignity NGO Helsinki Citizens’ Assembly-Vanadzor Social Justice NGO/ "Սոցիալական արդարություն" ՀԿ Access to Justice NGO /Armenia/ New Justice Culture
14/06/2026
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ՔՐԵԱԿԱՏԱՐՈՂԱԿԱՆ ՀԻՄՆԱՐԿՆԵՐՈՒՄ ԵՎ ՄԱՐՄԻՆՆԵՐՈՒՄ ՀԱՍԱՐԱԿԱԿԱՆ ՎԵՐԱՀՍԿՈՂՈՒԹՅՈՒՆ ԻՐԱԿԱՆԱՑՆՈՂ ՀԱՍԱՐԱԿԱԿԱՆ ԴԻՏՈՐԴՆԵՐԻ ԽՈՒՄԲ
GROUP OF PUBLIC MONITORS IMPLEMENTING SUPERVISION OVER THE CRIMINAL-EXECUTIVE INSTITUTIONS AND BODIES OF THE MINISTRY OF JUSTICE OF THE REPUBLIC OF ARMENIA
11/06/2026
🚨 ՀՐԱՏԱՊ
Հասարակական դիտորդների խումբը դիմել է ՀՀ աշխատանքի և սոցիալական հարցերի նախարարությանը՝ աջակցելու «Նուբարաշեն» ՔԿՀ-ում պահվող կալանավորված անձ Հ․Ս․-ի և նրա երկու անչափահաս երեխաների միջև տեսակցության կազմակերպմանը։
2026 թվականի հունիսի 6-ին իրականացված այցի ընթացքում Հ․Ս․-ը հայտնել է, որ արդեն շուրջ 26 օր գտնվում է հացադուլի մեջ։ Նրա խոսքով՝ հացադուլի պատճառներից մեկը երեխաների հետ կապի և տեսակցության ապահովման խնդիրը է։
📌 Ստեփանյանի ներկայացմամբ՝ իր երկու անչափահաս երեխաները գտնվում են Կապանի երեխաների խնամքի հաստատությունում։
📌 Արդեն շուրջ 6 ամիս չի կարողանում տեսնել նրանց։
📌 Չնայած բազմակի դիմումներին՝ երեխաների հետ տեսակցությունը մինչ օրս չի կազմակերպվել։
⚖️ ՄԱԿ-ի Երեխայի իրավունքների մասին կոնվենցիան և ՀՀ օրենսդրությունը պահանջում են, որ երեխաներին վերաբերող բոլոր որոշումների հիմքում լինի երեխայի լավագույն շահը։
Երեխաներն իրավունք ունեն պահպանել կապը իրենց ծնողների հետ, իսկ պետական մարմինները պարտավոր են հնարավորինս աջակցել այդ կապի պահպանմանը, եթե դրա համար չկան իրավական խոչընդոտներ։
Հասարակական դիտորդների խումբը կոչ է անում իրավասու պետական մարմիններին ձեռնարկել բոլոր անհրաժեշտ միջոցները՝
✅ գնահատելու երեխաների լավագույն շահը,
✅ ուսումնասիրելու տեսակցության կազմակերպման հնարավորությունը,
✅ ապահովելու երեխաների և նրանց հոր միջև կապի վերականգնումը։
Երեխայի լավագույն շահը պետք է լինի առաջնային յուրաքանչյուր որոշման հիմքում։
#ԵրեխայիԻրավունքներ #ՄարդուԻրավունքներ #Նուբարաշեն #ՔԿՀ
@подписчики Ժողովրդավարության Զարգացման Հիմնադրամ/Democracy Development Foundation
Nikol Pashinyan / Նիկոլ Փաշինյան
ՀՀ կառավարություն
ՀՀ աշխատանքի և սոցիալական հարցերի նախարարություն
Council of Europe Office in Yerevan Երևանում Եվրոպայի խորհրդի գրասենյակ
European Union in Armenia
Factor TV Ազատություն ռադիոկայան Media Center/Մեդիա կենտրոն
Dignity NGO Access to Justice NGO /Armenia/ Helsinki Citizens’ Assembly-Vanadzor Հանրային վերահսկողություն ՀԿ/Public Control NGO Protection of Rights without Borders New Justice Culture
05/06/2026
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ՔՐԵԱԿԱՏԱՐՈՂԱԿԱՆ ՀԻՄՆԱՐԿՆԵՐՈՒՄ ԵՎ ՄԱՐՄԻՆՆԵՐՈՒՄ ՀԱՍԱՐԱԿԱԿԱՆ ՎԵՐԱՀՍԿՈՂՈՒԹՅՈՒՆ ԻՐԱԿԱՆԱՑՆՈՂ ՀԱՍԱՐԱԿԱԿԱՆ ԴԻՏՈՐԴՆԵՐԻ ԽՈՒՄԲ
ՄԱՅԻՍ 2026Թ․ ՀԱՇՎԵՏՈՒ ԺԱՄԱՆԱԿԱՀԱՏՎԱԾՈՒՄ ԽՈՒՄԲԸ ՍՏԱՑԵԼ Է ԹՎՈՎ 23 ԱՀԱԶԱՆԳ
@подписчики @топовые поклонники Ժողովրդավարության Զարգացման Հիմնադրամ/Democracy Development Foundation Հանրային վերահսկողություն ՀԿ/Public Control NGO Factor TV Dignity NGO Hetq Helsinki Citizens’ Assembly-Vanadzor Mher Karagozyan Media Center Events Council of Europe Office in Yerevan Երևանում Եվրոպայի խորհրդի գրասենյակ
Click here to claim your Sponsored Listing.
Category
Contact the organization
Telephone
Website
Address
Tumanyan 7
Yerevan
