ABCFinance.am

Տարիներ շարունակ երեխաներին ասում էին՝
🗣️ «Փողի մասին խոսելը մեծերի թեմա է»։

Բայց այսօր աշխարհում խոսում են հակառակի մասին 👇
💡 Ֆինանսական կրթությունը պետք է սկսվի փոքր տարիքից։

Հենց դրա համար էլ հունիսի 1-ին ընդառաջ սկսում ենք նոր շարք՝
👧👦 FINKIDS | Ֆինանսները և երեխաները

Խոսելու ենք՝
💰 գրպանի գումարի
🛒 գնումների
🎮 խաղերի ծախսերի
📱 թվային անվտանգության
🧠 խնայողությունների
և ֆինանսական սովորությունների մասին։

Ու հիմա ուզում ենք լսել նաև ձեզ 🙌

📩 Գրեք մեկնաբանություններում՝
ի՞նչ թեմաների կցանկանայիք անդրադառնանք այս շարքում 👇

Եկեք միասին ձևավորենք ֆինանսապես ավելի գրագետ սերունդ 💚

#ՖինանսականԿրթություն #ԵրեխաներԵվՖինանսներ

Օրական ընդամենը 500 դրամ մի կողմ դնելով 👇
📅 տարվա վերջում կարող եք ունենալ 182,500 դրամ 😯

Սա ցույց է տալիս, որ ֆինանսական կայունությունը միշտ չէ, որ սկսվում է մեծ գումարներից։
Հաճախ ամեն ինչ սկսվում է փոքր, բայց շարունակական քայլերից 🙌

💡 Փոքր խնայողությունները ժամանակի ընթացքում կարող են դառնալ
👉 պահուստային ֆոնդ
👉 ճանապարհորդություն
👉 ներդրում
👉 կամ պարզապես ավելի հանգիստ ապագա

📌 Սկսեք փոքրից, բայց սկսեք այսօր

Խնայե՛ք, եղե՛ք բարեկեցիկ 💙

⚠️ Վերջին շրջանում նման դեպքերը շատացել են։

Եթե WhatsApp-ով, Telegram-ով, Messenger-ով կամ այլ հավելվածով ընկերդ կամ ծանոթդ քեզ գրում է ու շտապ գումար է խնդրում՝ մի շտապիր փոխանցում անել 💸

Նախ ուղիղ զանգիր ու համոզվիր, որ հենց ինքն է գրում քեզ 📞
Շատ դեպքերում պարզապես կոտրել են էջը։

📢 Տարածեք, որ ավելի քիչ մարդիկ դառնան նման խարդախությունների զոհ։

Ռուսերեն զա՞նգ «Ոստիկանությունից» կամ «Անվտանգությունից»

Անհայտ անձինք զանգահարում են և ռուսերենով ներկայանում որպես՝
🔶 Ոստիկանության կամ քննչական մարմինների աշխատակից,
🔶 Բանկի անվտանգության մասնագետ,
🔶 Այլ գերատեսչության ներկայացուցիչ:

Ի՞նչ են ասում.
Նրանք փորձում են վախեցնել ձեզ՝ պնդելով, թե ձեր նկատմամբ «կասկած կա», ձեր հաշիվները վտանգված են, կամ ձեր անունով հանցավոր գործարք է կատարվել:

ԿԱՐԵՎՈՐ Է ՀԻՇԵԼ.

Լեզուն. Հայաստանի պետական մարմինները կամ ֆինանսական կազմակերպությունները ձեզ հետ չեն խոսի ռուսերենով՝ ձեր անձնական տվյալների կամ քրեական գործերի թեմայով:

Շտապողականությունը. Եթե ձեզ ստիպում են արագ որոշում կայացնել կամ տվյալներ թելադրել՝ դա զեղծարարություն է:

Լուծումը. Պարզապես անջատեք հեռախոսը: Ոչինչ մի՛ արեք և ոչ մի տվյալ մի՛ հայտնեք:

Զգուշացրե՛ք ձեր ծնողներին և տատիկ-պապիկներին, քանի որ նրանք հաճախ ավելի շատ են վստահում «պաշտոնական» հնչող զանգերին:

🌐 Ավելի շատ տեղեկությունների համար հետևեք abcfinance.am-ին:

#Անվտանգություն #Զեղծարարություն #ՖինանսականԳրագիտություն

📸 Կիսվում ենք «Բրեյն Ռինգ» 2026թ. ֆինանսատնտեսագիտական խաղ-մրցույթի լուսանկարներով 👏

Մրցույթը կազմակերպվում է Հայաստանի պատանեկան նվաճումներ հկ-ի և Կենտրոնական բանկի համագործակցությամբ՝ միավորելով Հայաստանի բոլոր մարզերի և Երևանի դպրոցական թիմերին 🧠

Մասնակիցներին ողջունեցին ԿԲ խորհրդի անդամ Արմեն Քթոյանը և «Հայաստանի պատանեկան նվաճումներ» հկ տնօրեն Արմինե Հովհաննիսյանը՝ կարևորելով ֆինանսական կրթության և երիտասարդների ակտիվ մասնակցության դերը 🙌

🏆 Կիսաեզրափակիչ փուլից հետո եզրափակիչ անցան 4 լավագույն թիմերը, իսկ վերջնական արդյունքները հետևյալն էին՝
🥇 1-ին տեղ — Շիրակի մարզ
🥈 2-րդ տեղ — Լոռու մարզ
🥉 3-րդ տեղ — Երևան և Արմավիր

📌 Մրցույթի շրջանակում տրվեցին նաև հատուկ հարցեր․
🔹 Ավանդների հատուցումը երաշխավորող հիմնադրամի հարցի հաղթող դարձավ Սյունիքի մարզը
🔹 Ֆինանսական համակարգի հաշտարարի գրասենյակի հատուկ հարցի հաղթող դարձավ Տավուշի մարզը

🎭 Մրցույթն ուղեկցվեց նաև մշակութային համարներով՝ երգ, պար և ասմունք, ստեղծելով ջերմ ու ոգեշնչող մթնոլորտ ✨

Շնորհավորում ենք բոլոր մասնակիցներին և մաղթում նոր հաջողություններ 👏