TMM - Teach Me More

🇦🇲🇺🇸
Այս գեղեցիկ նախաձեռնությունը կյանքի է կոչվել TMM-ի և WWA ( Walking With Alex) Foundation-ի համագործակցության՝ մեր հովանավորների մեծ աջակցության ու բարության շնորհիվ։

Անչափ շնորհակալ ենք յուրաքանչյուրին, ով հավատում է մեր առաքելությանը և իր ներդրումն ունի այս երեխաների կյանքի փոփոխության ճանապարհին ✨
Դուք նրանց տալիս եք զարգանալու, ուժեղանալու նոր հնարավորություն 💛

Ուրախությամբ տեղեկացնում ենք, որ արդեն 2 րդ ամիսն է ու մեր համատեղ բարեգործական ծրագիրը շարունակվում է , երեխաները շարունակում են իրենց թերապիաները TMM ում ՝ յուրաքանչյուրը 2 մասնագետի ամբողջական ծառայություն ։
Սա սիրով, հոգատարությամբ ու մեծ հավատով կառուցվող ճանապարհ է, որտեղ յուրաքանչյուր փոքր քայլ վերածվում է մեծ հաղթանակի։

Այսօր լավագույն ու ամենահիասքանչ օրերից մեկն էր։ TMM կենտրոնի տնօրենը՝ Լենա Հարությունյանը, հրավիրված էր շատ սիրելի 190 դպրոց, որտեղ ավագ դասարանների աշակերտների հետ միասին ընկեր Հակոբյանը կազմակերպել էր բաց դաս՝ «Աուտիզմը որպես սպեկտրի խանգարում» թեմայով։

Չեք պատկերացնի, թե ինչ հրաշալի ու բովանդակալից բաց դաս էր՝ լի կարևոր ինֆորմացիայով, իրազեկմամբ ու մարդկային ջերմությամբ,- ասում է Լենան ։ Իսկ ինձ համար այս ամենը կրկնակի հուզիչ էր, որովհետև հրավիրված էի մի վայր, որտեղ տարիներ առաջ ինքս եմ դասավանդել և ունեմ շատ խոր ու գեղեցիկ հիշողություններ։

Անչափ ուրախ եմ, որ նման բաց դասերը կազմակերպվում են ավելի հաճախ, և ես էլ դառնում եմ այդ կարևոր գործընթացի մի մասնիկը։ Ի դեպ, այս դասարանի հետ արդեն 3-րդ հանդիպումն է, և ամեն անգամ ավելի եմ համոզվում, թե որքան հետաքրքրված ու գիտակից երիտասարդներ ունենք։

Ուրախ եմ, հպարտ ու շնորհակալ՝ ընկեր Հակոբյանին, աշակերտական թիմին, ծնողներին և բոլոր ուսուցիչներին այս կարևոր նախաձեռնության համար։

ՄԵՆՔ ՄԵՆԱԿ ՉԵՆՔ 🥰

Պատմություն 11
Ես Անժելան եմ՝ մի Աստվածային հրաշք բալիկի մայր։ Ունեմ նաև երկու ակտիվ ձագուկներ, բայց այս պահին խոսքս միայն իմ հրաշք Դավիդի մասին է։
Աստված ի սկզբանե իմ մեջ ուժ է դրել ու մի մեծ սեր, որպեսզի հենց ես լինեմ նրա մայրը։ Տղաս՝ Դավս, մինչև երկու տարեկան բառեր էր ասում, հետո հանկարծ դադարեց խոսել։ Շատ լուռ դարձավ, և դա ինձ սկսեց անհանգստացնել։
Բժիշկները խորհուրդ տվեցին ստուգել լսողությունը։ Ստուգեցինք, գրեցին, որ լսողության հետ խնդիր չկա, և անմիջապես կենտրոնացան աուտիստիկ սիմպտոմատիկայի վրա։ Այդպես սկսվեց մեր երկար ճանապարհը՝ հազար լոգոպեդ, հոգեբան, հարյուրավոր բժիշկներ ու տարբեր մասնագետներ… 3-ից մինչև 6.5 տարեկան մենք անցանք այդ ամենի միջով, բայց ոչ մի արդյունք չկար։
Մի օր, կարծես, աղոթքներս հասան Աստծուն։ Մի արտասահմանցի ԼՕՌ բժիշկ էր եկել, և մենք որոշեցինք գնալ նրա մոտ։ Պարզվեց՝ այսքան տարիներ տղայիս ականջներում հեղուկ է կուտակված եղել, նաև մեծ ադենոիդներ ուներ, որոնք նույնպես ազդել էին խոսքի վրա։
Վիրահատեցինք 7 տարեկանում։ Սկզբում փոփոխություն չկար, բայց հիմա՝ 7.5 տարեկանում, արդեն բառեր է ասում, նույնիսկ փորձում է կրկնել։
Աստված զորեղ է։ Հավատացեք՝ մի օր հաստատ մի դուռ կբացվի ձեր առաջ։ Թե ինչ հոգեվիճակում եմ ես եղել այս տարիների ընթացքում, գիտի միայն Աստված… և Նա ինձ անպատասխան չթողեց։
Հավատքը ամենամեծ ուժն է։
Ես երբեք չեմ չարացել, չեմ նախանձել՝ մտածելով, թե ինչու իմ երեխան այսպիսին է, իսկ ուրիշինը՝ ոչ։ Այս ամենը Աստծո շնորհիվ է, և ինչու չէ՝ նաև իմ մեջ դրված անսահման սիրո։
Հաճախ գրկեք ձեր առանձնահատկություն ունեցող բալիկին։ Նա ամենաշատը ձեր կարիքն ունի։ Ամեն օր մի մոռացեք ասել, թե որքան շատ եք սիրում նրան, և թե որքան երջանիկ եք, որ Աստված հենց ձեզ է ընտրել որպես նրա մայր։ 🥰

👏 Պատմության մեջ անունները փոխված չեն 🤍