InFact

💰Ֆինանսական բուրգ կամ ինչպես ասում են պիրամիդա:

🕰Մեր ժամանակներում տեղեկատվական տեխնոլոգիաների բուռն զարգացումը հանգեցրել է ֆինանսական բուրգերի աշխուժացմանը:

💱Օրինակ՝

▪️ինտերնետային գովազդի,
▪️առցանց վճարումների իրականացման հնարավորությունը,
▪️զանգվածային լսարանի առկայությունը
նոր վերելք են հաղորդել ֆինանսական բուրգի իրագործմանը:💸

📍Ֆինանսական բուրգը ունի հիերարխիկ կառուցվածք, որը նախաձեռնվում է որոշակի անձանց կողմից, և որոնք որոշակի եկամտի ստացման ակնկալիքով անդամագրում են հնարավորինս մեծ թվով ներդրողների:
💵Յուրաքանչյուր մակարդակում նոր ներդրողները վճարումներ են կատարում իրենցից վերև կանգնածներին և վերցնում են վճարումները ներքև կանգնածներից՝ այսպիսով ստեղծելով փողի վերաբաշխման սխեմա:
🧾Ներդրումային նախագծի գործունեությունը ապահովելու համար յուրաքանչյուր մակարդակում անդամագրվածների թիվը նախատեսում է, որ պետք է աճի երկրաչափական 🔺պրոգրեսիայով, ինչի համար անհրաժեշտ է, որ յուրաքանչյուր նոր ներդրող ապահովի որոշակի թվով նոր անդամների ներգրավումը:

💰Ֆինանսական բուրգի առանձնահատկությունը այն է, որ սկզբնական փուլում ներդրողները ստանում են եկամուտներ՝ շահագրգռելով ներգրավել նոր անդամներ և ծառայելով որպես կենդանի գովազդ բուրգի համար:
🔜Սակայն որոշակի ժամանակ անց բուրգի ամենավերևում կանգնածները ստանում են գերշահույթներ, իսկ ներքևի օղաները չեն վաստակում գումարներ:

🔺Ֆինանսական բուրգերը ՀՀ –ում և մի շարք երկրներում (Մեծ Բրիտանիա, Հունգարիա, Գերմանիա, Դանիա, Դոմինիկյան Հանրապետություն, Իրան, Իսլանդիա, Իսպանիա, Իտալիա, Ղազախստան, Կանադա, Չինաստան, Կոլումբիա, Մալայզիա, Մեքսիկա, Նեպալ, Նիդեռլանդներ, Նոր Զելանդիա, Նորվեգիա, Լեհաստան, Պորտուգալիա, Ռուսաստան, Ռումինիա, ԱՄՆ, Թաիլանդ, Թայվան, Թուրքիա, Ուկրաինա, Ֆիլիպիններ, Ֆրանսիա, Շվեյցարիա, Շվեդիա, Շրի Լանկա, Էստոնիա, Հարավային Աֆրիկա, Ճապոնիա) ապօրինի և բացահայտորեն արգելված են:❌

_____________________________________

🔊Եղե՛ք տեղեկացված:

Սիրով՝

InFact թիմ 🤍

❗️ Ներկայացնում ենք նոր ռուբրիկա՝ «արտահայտություններ, որոնք առհասարակ չի կարելի կիրառել».

❌Չի կարելի ձերբակալվածին կամ կալանքի տակ գտնվող անձին անվանել «հանցագործ», քանի դեռ չկա դատարանի օրինական ուժի մեջ մտած դատավճիռը,որով հաստատվում է անձի մեղավորությունը:

📌 Համաձայն ՀՀ քրեական դատավարության օրենսգրքի՝ հանցագործության համար կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ սույն օրենսգրքով սահմանված կարգով` դատարանի` օրինական ուժի մեջ մտած դատավճռով:

#2021
⚖️«Ինֆեքթ» հասարակական կազմակերպության ամբողջ անձնակազմը յուրաքանչյուրիդ մաղթում է իրավագիտակից, խաղաղ, հաշտ-համերաշխ տարի: Լիահույս ենք, որ այս տարին լինելու է «Ռենեսանս» տարի՝ հաղթահարելու ենք մեր երկրի առջև ծառացած պատնեշները, զարգացնելու ենք մեր երկրի տնտեսությունն ու վերափոխելու ու լուսավորելու ենք մեզ շրջապատող աշխարհը🌪: Թող Նոր տարին լինի վերամիավորման, վերագտնելու և վերաիմաստավորելու տարի: Բոլորիս մեծագույն կորով ու եռանդ՝ հաղթահարելու ու նորովի կյանքի կոչվելու համար🤍

Հ.Գ. Ստեղծված իրավիճակով պայմանավորված(պանդեմիա և Արցախյան երկրորդ պատերազմ)՝ «Ինֆեքթ» թիմը դադարեցրել էր իր գործունեությունը, բայց օրեր անց վերսկսվելու են մեր ստեղծագործական աշխատանքները և ներկայանալու ենք նոր ձևաչափով և ստեղծագործական գործունեությամբ👩🏽‍💻👩🏽‍🎓: Սպասե՜ք մեզ...