Focus on Rising

“Focus On Rising” është një organizatë jofitimprurëse e themeluar nga studentë në universitete të ndryshme dhe studentë të sapodiplomuar, te cilët në eksperiencën tone kemi ndeshur ne shumë vështirësi gjatë proçesit arsimor dhe i trembemi përplasjes me tregun e punës pasi përgatitja jone nuk ështe e mjaftueshme për punëdhënësit të cilët kerkojn staf të kualifikuar. Bazuar në këto veshtirësi ne kemi vendosur të japim kontributin tonë, ne bashkëpunim me institucione qëndrore dhe lokale, me prindër dhe mësues, me zbulues dhe inovatorë, ne mënyre që brezi i ri të marrë arsimin dhe përgatitjen e duhur dhe të jetë gati për tregun e punës.

Qëllimi ynë është ti futemi qe ne themel sistemit arsimor, duke filluar që nga shkolla fillore, deri në universitete dhe të vimë me një projekt pilot konkret, ku perfshihet plotësimi i shkollave me elementët përkatëse të munguara, mbështetje institucioneve publike për gjenerim të ardhurash për investim në sistemin arsimor dhe plotësimin e këtij sistemi në mënyrë që arsimi në shqipëri të jetë i konkurueshëm me nivelet Europiane arsimore.

Pika e fortë e programit që “Focus on Rising” ka hartuar, është zhvillimi i sistemit arsimor nga një projekt vetë gjenerues të ardhurash ne kohë. Shfrytezimi i inovacioneve teknologjike për gjenerim të ardhurash jep mundësinë për të hapur dyer të reja për të përmirësuar të gjitha ato kategori edukative të cilat ne ua kemi ndjerë mungesën gjatë proçesit tonë të shkollimit.

Ne besojmë se te gjithë së bashku mund ti japim një shtysë zhvillimit arsimor me hapa më të shpejtë dhe mirëpresim nga të gjithë anëtarët e komunitetit cdo sygjerim, mbështetje, kontribut dhe ide të reja që mund të ndihmojnë në ecjen përpara të këtij projekti.