Partia e Lirisë

Tedi Blushi Partia e Lirisë ndien një krenari të jashtëzakonshme dhe të merituar për ekipin e saj të shkëlqyer të mjekëve humanistë, figura të ndritura, të respektuara dhe personalitete të nivelit më të lartë në fushën e shëndetësisë, të cilët përbëjnë një pasuri të çmuar jo vetëm për ne, por për mbarë Shqipërinë.
Mirënjohja jonë më e thellë dhe falënderimet më të përzemërta për Prof. Dr. Petrit Vasili, Prof. Dr. Edmond Panariti, Dr. Blenard Nonaj, Dr. Artan Distafa, Dr. Gentian Çala, Dr. Florida Ymeri, Prof. Dr. Besnik Jakaj, Dr. Zamir Capo, Dr. Silvana Bajrami, Dr. Armir Kraja, Dr. Blerim Buçpapaj, Dr. Valdete Dashi, farmacisten Denisa Zhollanji, maminë Aurora Dashi, si dhe për shumë e shumë mjekë e infermierë të përkushtuar në mbarë vendin, të cilët me profesionalizëm të lartë, përvojë të jashtëzakonshme dhe përkushtim të admirueshëm, kontribuan në mënyrë vendimtare me ide dhe propozime të vyera në hartimin e programit për shëndetësinë të Partisë së Lirisë.
Shëndeti publik është prioriteti ynë madhor dhe Partia e Lirisë ka të gjithë kapacitetin e nivelit më të lartë për të ndryshuar rrënjësisht situatën e rëndë në sistemin e shëndetësisë, kaq të rëndësishëm, por të neglizhuar, të nënfinancuar dhe të shkatërruar qëllimisht nga "Rilindja" .

Për transparencë të plotë para opinionit publik vendas dhe ndërkombëtar, po publikoj sot të plotë dëshminë e Z. Josef Hejsek dhënë më 20 dhjetor 2011 para prokurorit nën betim, e vetmja dëshmi ku ai flet për DIA-n, përpara një organi të procedurës penale.
Këtë deklarim të tij, prokurorët e SPAK-ut e fshihnin me këmbëngulje për një kohë të gjatë deri në seancën paraprake, kur e kuptuan që ne e dispononim këtë provë ligjore.
Siç e shihni, ne e kemi me vulë të OSHEE, jo vetëm këtë dëshmi por edhe të gjitha materialet që kanë të bëjnë me çështjen CEZ-DIA sepse një zyrtar i dikurshëm i ndershëm i OSHEE na i vuri në dispozicion, fill pasi kishte dëgjuar që Edi Rama me të tijët po përgatisnin një intrigë për të përfshirë Ilir Metën te kjo aferë, siç u paralajmërua edhe në letrën zyrtare të ish-Kryetarit të Komisionit të Sigurisë Kombëtare, Z. Spartak Braho më 27 shtator 2015.
Siç e shihni, këtu jo vetëm që nuk përmendet Ilir Meta por as Qazim Tepshi ish-ambasador, as Sali Berisha ish-Kryeministër, dhe askush tjetër.
Këtu tregohet se, jo vetëm procesi është bërë i hapur, por se vendimtare për vendimin që është marrë në Pragë kanë qenë referencat që janë paraqitur nga DIA e Uashingtonit, që sipas tyre kishte përvojë prej 4 miliard dollarë për mbledhjen e borxheve dhe garancitë që i ishin dhënë nga kompanitë amerikane në Çeki.
Po kështu, po publikoj të plotë dëshminë e dhënë nga Z. Tomas Pleskaç i cili ka qenë shefi i Z. Hejsjek në Pragë, ku është marrë vendimi për lidhjen e kontratës CEZ-DIA dhe ku do të shikoni përgjigjen e tij me letërporosi dhënë SPAK-ut, në të cilën konfirmon se nuk ka asnjë dijeni për ndonjë lidhje mes tre personave, Ilir Metës, Qazim Tepsh*t dhe Kastriot Ismailaj.
Herën tjetër, do t’ju njohim me prova të reja që tregojnë se DIA ishte një krijesë amerikane dhe as ka patur dhe as mund të kishte lidhje me Ilir Metën.

✌️🇦🇱 Nderojmë sot, me përulje dhe mirënjohje të thellë, veprën dhe kujtimin e paharruar të katër Martirëve të Demokracisë, Arben Broci, Bujar Bishanaku, Nazmi Kryeziu dhe Besnik Ceka, të cilët u ekzekutuan pabesisht më 2 prill 1991, në mbrojtje të demokracisë dhe zgjedhjeve të lira.
Sakrifica e tyre sublime, bashkë me shpirtin e pathyeshëm të Shkodrës antikomuniste, mbetet një udhërrëfyes i përhershëm në përpjekjet tona për të mbrojtur, me çdo kusht, lirinë, pluralizmin politik, votën e lirë dhe dinjitetin e çdo shqiptari.
Në një kohë kur liritë dhe të drejtat themelore janë më të rrezikuara se kurrë, amaneti i katër Martirëve na thërret të bashkohemi kundër Narkodiktaturës, që po pengon të ardhmen europiane të Shqipërisë dhe që meriton të shembet nën këmbët e sovranit.
Shkodra ka qenë dhe do të mbetet një burim i pashtershëm frymëzimi në rrugëtimin tonë drejt Lirisë dhe Demokracisë.
Lavdi e përjetshme Dëshmorëve të 2 Prillit!