Botimet ADA

Një libër që rikthehet, një zë që mbetet Ka libra që botohen për të takuar lexuesin e kohës së tyre dhe libra që rikthehen për të dëshmuar se fjala e shkruar është më e fortë se harresa. Ky është një prej tyre. Pas gati gjashtë vjet pas ndarjes nga jeta të autorit Ndue Gaspri, fëmijët e tij, Floraldi dhe Eraldi, sjellin për lexuesin këtë ribotim, si një akt dashurie, kujtese dhe respekti ndaj njeriut që u la pas jo vetëm kujtime familjare, por edhe gjurmë të çmuara në krijimtarinë e tij. Nëpërmjet këtyre faqeve, autori rikthehet me zërin e tij të njohur, me botën e tij shpirtërore, me mendimet dhe ndjesitë që koha nuk ka mundur t'i zbehë. Ky botim është më shumë se një libër; është një urë mes së shkuarës dhe së tashmes, mes autorit dhe lexuesve të rinj që do ta zbulojnë për herë të parë. Le të jetë ky ribotim një homazh i merituar për Ndue Gasprin dhe një dëshmi se veprat e mira nuk përfundojnë me jetën e autorit, por vazhdojnë të jetojnë sa herë që hapet një libër dhe lexohet një faqe e tij.

Autori : Ndue Gaspri
Titulli : Kohë me djallin

Ribotim 2026
Botimi parë 2014
Përgatiti për botim: Roland Lushi

Formati : 13.5x20cm

Të gjitha të drejtat i takojnë autorit

ISBN: 978-9928-95-084-0
Botimet ADA
Shtëpia Botuese “ADA”
Adresa: Rr. Mihal Grameno Pall.32 Ap.7
Cel: 068 22 190 16
Tiranë, qershor 2026

LEXUESIT!
Mik i nderuar, lexues që nuk të ka pushtuar lodhja!
Merreni e lexojeni këtë libër që në qënien time është formuar në një kohë të gjatë dhe në tekstin e shkruar do të gjeni sadopak seicili veten tuaj në një pozicion që të mendoni e gjykoni me mua, duke më dhënë të drejtë e justifikuar gjithë këto fjali, faqe e tërësisht romanin që u kam dhënë për të lexuar.
Historia që kam romanizuar ka të verteta e krijime, të gjetura e të krijuara, por të shqepura nga shpirti i popullit tonë dhe po ua j*p ti lexoni. Dikush do të ndiejë drithërima e të ftohtë në shtat e kjo është pjesa më e madhe e njerëzve tanë, dikush tjetër do të ndiejë pendimin për çfarë ka bërë e një pakicë (specie e rrallë)nuk do të bashkohet me mua e dy kategoritë e tjera njerëzore në këtë gjykim, por gjithsesi duke u gjendur në minorancë do të mbledhë disi kthetrat e do të duken më të mrrolun, më të strukur, më jashtë vëmëndjes e zhvillimeve që priten të ndodhim çdo ditë.
Ngjarjet janë të trukuara me një trill të thelluar në kohë e nuk kanë emra konkretë, por çdo ngjashmëri me ngjarjet historike që ka perjetuar çdo njeri në vendin tim është e rastësishme, por i tillë është fati i popullit tim, si i heronjëve të këtij libri.
Merreni këtë libër dhe në fund të leximit çdo kush do të mendojë më mirë e më ndryshe, do të kërkojë më shumë nga vetja e nga të tjerët, por pyetja e shtruar në fund të këtij libri ende mbetet në mendjet tona e të prish disi ekuilibrin.
Pas kësaj vendoseni librin në dorë të ndonjë të riu që të lexojë duke harruar veset, rrugën, drogën, armët, duhanin e pastaj të sqarosh këtë djalë apo vajzë se si po vjen jeta jonë puna e të lexuarit duhet të jetë i përditshëm si frymëmarrja.
Të faleminderit që më lexove, je miku im!
AUTORI I LIBRIT