Studenti.al

Universiteti ka nisur, si eshte atmosfera ne universitetet shteterore ?
Cilat jane pritshmerite tuaja ?

Urime studenteve te rinj

Si duket Tirana dhe stafi pedagogjik ?

Universiteti po afron !
Maturante, regjistrimet ne sekretarite perkatese te Fakulteteve.
Mos harroni dokumentacionin perkates diplomen, dy foto, shtojcen marre nga Mas dhe me pas prerjen e mandat arketimit prej 1600 l ne bankat e nivelit te dyte.

Ju urojme suksese ne regjistrim dhe ne studime akademike !

Ju mirepresim !

Të Drejtat dhe Detyrat e Studentëve

Studenti e fiton cilësinë si i tillë me regjistrimin në universitet dhe e humbet me marrjen nga ana e tij të diplomës universitare, ose të dëshmisë së kualifikimit, me përjashtimin nga shkolla ose me nënshkrimin e kërkesës për ç’regjistrim nga universiteti.

Studentët kanë të drejtë:
• Të pajisen me kartën e studentit;
• Të ndjekin programin e studimit dhe të gjitha veprimtaritë e tjera mësimore të organizuara në përputhje me statusin e tyre;
• Të shprehin opinionin e tyre për cilësinë e mësimdhënies dhe punën e personelit akademik të universitetit;
• Të përdorin të gjitha instalimet e pajisjet për kryerjen e punës së tyre mësimoreshkencore, sipas programeve e rregulloreve përkatëse, të përdorin bibliotekat e mjediset sportive, kulturore e informative të universitetit;
• Të zgjedhin e të zgjidhen në këshillat e studentëve të fakulteteve përkatëse, në përputhje me përcaktimet e këtij Statuti;
• Të zgjedhin këshillat e studentëve të fakulteteve nga të cilat përftohet Këshilli i Studentëve të universitetit;
• Kur plotësojnë kushtet e përcaktuara nga Këshilli i Ministrave, të përfitojnë bursë studimi dhe shpërblime e çmime të veçanta për merita studimi e kërkimi shkencor që administrohen nga universiteti;
• Të organizohen në shoqata studentore jopolitike duke ju përmbajtur përcaktimeve të akteve ligjore e nënligjore përkatëse.

Detyrat e studentëve:
• Të zbatojnë detyrimet që rrjedhin nga ky Statut, Rregullorja e universitetit, rregulloret e brendshme të fakulteteve, si dhe çdo akt ligjor apo nënligjor për arsimin e lartë;
• Të zbatojnë të gjitha detyrimet që rrjedhin nga planet dhe programet mësimore;
• Të paguajë tarifën e shkollimit dhe të shërbimeve që ofron universiteti;
• Të respektojë kodin e etikës të miratuar nga Këshilli i Etikës;
• Të respektojë të drejtat e personelit akademik, ndihmës mësimor-shkencor, dhe administrativ si dhe të studentëve të tjerë.
• Mosrespektimi nga ana e studentëve i detyrimeve të përcaktuara në këtë statut dhe në rregulloren e fakulteteve ndëshkohet me masa disiplinore të përcaktuara në rregulloret e fakulteteve.
Këshillat Studentore
• Këshilli i Studentëve është një organizatë e pavarur e studentëve në universitet, i cili nuk zhvillon veprimtari politike dhe ekonomike. Qëllimi i tij është promovimi i pjesëmarrjes së studentëve dhe koordinimi i përfaqësimit të tyre në organet drejtuese të universitetit.
• Këshilli i Studentëve shpreh mendime dhe propozime për të gjitha problemet me interes të përgjithshëm për universitetin, si programet e studimeve, rregulloret për veprimtaritë mësimore, të drejtën për të studiuar dhe cilësinë e shërbimeve. Në të gjithë aktivitetin e tij mbështetet nga organet drejtuese të universitetit.
• Këshilli i Studentëve përbëhet nga anëtarë, studentë të cilët zgjidhen çdo 2 vjet nga votat e drejtpërdrejta të studentëve dhe mbështeten në legjislacionin në fuqi. Pas organizimit të zgjedhjeve, Këshilli i Studentëve zgjedh kryetarin e tij si dhe vendos mbi strukturën,
mënyrën e organizimit dhe funksionimit të tij.
• Këshilli i Studentëve nuk mund të organizohet në struktura të tjera politike e jopolitike jashtë universitetit.