Qendra AMAD / AMAD Center

🎭 FESTIVALI I TRASHËGIMISË NË PËRMET – RITET DHE GJURMËT E TË PARËVE QË KOHA NUK I FSHIN 🎶👘📖

Një ditë e mbushur me emocione, traditë dhe krenari për trashëgiminë tonë kulturore në Përmet, ku protagonistë ishin vetë fëmijët dhe të rinjtë e qytetit.

Nxënësit sollën në jetë pasurinë shpirtërore dhe materiale të brezave të mëparshëm përmes interpretimit të këngëve popullore, valleve tradicionale, rrëfimit të përrallave, si dhe prezantimit të kostumeve etnografike dhe një ekspozite me objekte të trashëguara nga gjyshërit dhe familjet e tyre.

Ky aktivitet nuk ishte vetëm një festë e kulturës, por edhe një urë lidhëse mes brezave, ku kujtesa, historia dhe identiteti lokal u përcollën tek më të rinjtë në mënyrë të gjallë dhe frymëzuese.

Falënderojmë të gjithë nxënësit dhe mësuesit e shkollave "Nonda Bulka" dhe "Meleq Gosnishti", si edhe prindërit, gjyshërit dhe qytetarët që kontribuan në ruajtjen dhe promovimin e vlerave tona kulturore. Trashëgimia jeton kur ndahet dhe transmetohet nga brezi në brez.

Ky festival u organizua nga AMAD, me nbështetjen e MTKS dhe bashkëpunëtor lokal Bashkinë e Përmetit.

📍 Përmet
📅 Qershor 2026