Reporteri Multimedial

s, prirjet, tendencat dhe sfidat me të cilat përballen sot mediat tradicionale dhe mediat e reja në epokën e zhvillimeve galopante të webit dhe multimedias. Interneti Broadband dhe Web 2.0 krijuan një terren të favorshëm për lindjen e rrjeteve dhe të mediave sociale, për krijimin e platformave të “populluara” nga lënda e gjeneruar nga vetë përdoruesit (user generated content - siç janë platformat video shkëmbyese, si YouTube, platformat foto shkëmbyese si, Flickr etj), si dhe për rritjen e pjesëmarrjes së audiencës në prodhimin mediatik online. Zhvillime të rëndësishme si rritja e interaktivitetit në mediat online, zgjerimi i gazetarisë me pjesëmarrje dhe i gazetarisë së qytetarëve, lindja e podcasting si dhe e videostrimit përmes internetit, lindja dhe rritja e audiencës së rrjeteve sociale dhe të blogosferës, përdorimi i multimedias në procesin e prodhimit dhe shpërndarjes së informacionit, krijimi i Web TV dhe Web Radio, dhe të tjera zhvillime si këto, kanë diktuar nevojën e riformatimit të përgjithshëm të mediave ekzistuese, si dhe të vetë gazetarisë dhe të profesionit të gazetarit. Përmes rubrikave të ndryshme si: Mediat e reja, Mediat tradicionale, Sfida dhe perspektivë, Profesioni i gazetarit, Etika në media, Rregullimi i medias, Ekonomia e medias, Liria e medias, Gazetaria si sipërmarrje, Multimedia etj., Reporteri Multimedial do të synojë të shndërrohet në një dritare të informimit të studentëve dhe të audiencës në lidhje me problematikën dhe zhvillimet e ditës në media dhe në komunikim. Pjesë e rëndësishme e Reporterit Multimedial do të jetë publikimi i produksioneve të studentëve në video, audio, web, multimedia, në median e shkruar si dhe në lëmin e punës studimore. Portali përmban edhe blogun e profesorëve për të nxitur debatin profesional online në fushën e mediave dhe komunikimit, si dhe menu, linqe dhe aksesorë të tjerë që e bëjnë atë një websajt modern që përmban aplikimet më të fundit të webit dhe të multimedias. Në një hapësirë të veçantë, RM do të publikojë edhe informacionet më të fundit që lidhen me veprimtarinë e Departamentit të Gazetarisë dhe të Komunikimit. Dr. Artan Fuga, përgjegjës i Deprtamentit të Gazetarisë dhe të Komunikimit
Redaktor përgjegjës për News & Info, doktorant Rrapo Zguri, pedagog i mediave të reja dhe gazetarisë online
Redaktor përgjegjës për produksionet, doktorant Eno Popi, pedagog i mediave të reja dhe i multimedias
Anëtarë të redaksisë:
Doc. Iris Luarasi, pedagoge e gazetarisë së radios
Doktorante Rajmonda Nelku, pedagoge e gazetarisë së televizionit