Albanian Disability Rights Foundation

“Një Punonjëse Sociale që tejkalon cdo ditë barrierat sociale, një aset për ekipin tuaj.”
Oriola Rrokaj, mbart një profil të spikatur profesional në fushën sociale, me një përvojë të pasur në institucione publike dhe organizata të shoqërisë civile. Angazhimi i saj i gjatë në mbështetjen e grupeve në nevojë dëshmon për një përkushtim njerëzor dhe profesional të rrallë.
Për të njohur më mirë kompetencat dhe vizionin e saj, ju ftojmë të lexoni intervistën e mëposhtme:
✅Ku konsiston përvoja e saj aktuale profesionale? Aktualisht, ajo punon si punonjëse sociale në Qendrën Kombëtare të Emergjencës Transitore, ku koordinon ndërhyrje institucionale dhe planifikon mbështetje afatshkurtër dhe afatgjatë për familjet në situata të vështira.
✅Çfarë rolesh drejtuese ka mbajtur gjatë karrierës së saj? Ajo ka drejtuar departamente sociale pranë qendrës “Pëllumbat” dhe organizatës Dev-Aid, duke udhëhequr programe për punësimin e grupeve vulnerabël dhe përfshirjen sociale.
✅Cila është ekspertiza e saj në mentorim dhe zhvillim kapacitetesh? Një pjesë e rëndësishme e profilit të saj është mentorimi i profesionistëve të rinj dhe mbështetja e organizatave lokale, veçanërisht në shërbimet për gratë, të rinjtë dhe fëmijët në rrezik.
✅Cilat janë kualifikimet dhe certifikimet shtesë që ajo zotëron? Formimi i saj përfshin certifikime në administratë publike, menaxhim burimesh njerëzore, hartim projektesh, mbrojtje të fëmijëve, trajtim të traumës dhe shëndet mendor.
✅Sa gjuhë të huaja zotëron Oriola dhe cila është përvoja e saj ndërkombëtare? Ajo zotëron njohuri të avancuara në anglisht, italisht dhe greqisht, dhe ka përfaqësuar organizatat shqiptare në programe të rëndësishme ndërkombëtare në rajon.
✅Çfarë lloj angazhimi po kërkon ajo në hapat e radhës? Oriola kërkon një angazhim të ri në sektorin publik ose jofitimprurës, në pozicione që lidhen me menaxhimin e programeve sociale, ndërtimin e politikave gjithëpërfshirëse apo koordinimin e shërbimeve.
Për organizatat që kërkojnë një profesioniste me përvojë të provuar, aftësi të forta menaxheriale dhe njohuri të thella mbi sfidat sociale në Shqipëri, Oriola Rrokaj përfaqëson një vlerë të shtuar për çdo ekip që synon përfshirjen dhe zhvillimin social me standarde të larta.
Ky material është realizuar në kuadër të projektit “EU4LMI - Qasje gjithëpërfshirëse në tregun e punës për personat me aftësi të kufizuara në Shqipëri”, financuar nga European Union in Albania dhe zbatuar nga UNDP Albania, Fondacioni Shqiptar për të Drejtat e Personave me Aftësi të Kufizuara dhe Arbetsförmedlingen Agjencia Suedeze e Punësimit, në partneritet me Agjencia Kombetare e Punesimit dhe Aftesive, Ministrine e Ekonomise dhe Inovacionit, Ministrinë e Shëndetësisë dhe Mbrojtjes Sociale, dhe Shërbimi Social Shtetëror. Përmbajtja e këtij materiali është përgjegjësi e autorëve dhe nuk pasqyron domosdoshmërisht pikëpamjet e Bashkimit Evropian, Agjencisë Suedeze të Punësimit apo partnerëve të projektit.
Shërbimi Social Shtetëror
Center for Gender Justice / Qendra për Drejtësi Gjinore

Gjithëpërfshirja e Nxënësve/Kursantëve me Aftësi të Kufizuara në Sistemin e Arsimit dhe Formimit Profesional (AFP)
🤝 Në datat 12 dhe 15 Maj, prezantuam dhe diskutuam mbi Udhëzuesin “Gjithëpërfshirja e Nxënësve/Kursantëve me Aftësi të Kufizuara në Sistemin e Arsimit dhe Formimit Profesional (AFP)👩‍🍳👨‍🔧👨‍🚒 .
📌Në këto takime, me pjesëmarrjen e stafeve të gjithe Institutioneve Ofruese të Arsimit dhe Formimit Profesional (IOAFP) nga zona juglindore dhe jugperëndimore e Shqipërisë,🎯 pati diskutime aktive si edhe testim të instrumenteve pjesë e udhëzuesit, me qëllim që në vazhdimësi të standardizohet e të jetë dokument pune për të garantuar një arsim cilësor gjithëpërfshirës për nxënësit dhe kursantët me aftësi të kufizuara 👩‍🦽‍➡️👨‍🦯👩‍🦼.
Këto takime, po realizohen në kuadrin e projektit “BE Për Përfshirjen në Tregun e Punës (EU4LMI)”, që Agjencia Kombetare e Punesimit dhe Aftesive, po zbaton me UNDP Albania (Udhëheqëse e projektit), Shërbimi Publik Suedez i Punësimit (Arbetsförmedlingen) dhe Fondacioni Shqiptar për të Drejtat e Personave me Aftësi të Kufizuara (FSHDPAK), me financim nga European Union in Albania.