Student Economic Forum

Ekonomistët vlerësojnë se arrestimi i Maduro-s nuk do të ndryshojë menjëherë çmimin global të naftës, pasi tregjet tashmë e kanë përfshirë nivelin e mëparshëm të tensionit në çmim dhe furnizimi global është në mbingripje. Tregjet mund të jenë stabël për periudhën afat shkurtër, edhe pas këtij zhvillimi. Ajo që mund të thuhet është se tregjet globale janë aktualisht në një gjendje over-supply (tepricë furnizimi), ku OPEC+ dhe prodhuesit e tjerë mbajnë ofertë të lartë, duke zbutur efektet politike në çmimet e naftës.

Megjithatë, ky stabilitet në afatshkurtër nuk duhet ngatërruar me atë në afatgjatë, sepse pesha reale e Venezuelës lidhet jo vetëm me çmimin ditor të naftës në tregje, por edhe me potencialin e saj prodhues e kushtet strukturore të sektorit energjetik. Infrastruktura energjetike e Venezuelës është tejet e amortizuar dhe prodhimi ka rënë ndjeshëm në dekada, kështu që rikthimi në nivelet e mëparshme kërkon investime të mëdha dhe kohë.

Në këtë kuadër, Presidenti i SHBA-së ka deklaruar se kompanitë amerikane të energjisë do të investojnë miliarda dollarë për të rindërtuar sektorin e naftës në Venezuelë dhe pastaj për ta integruar atë në zinxhirët globalë të furnizimit, por kjo mund të kërkojë sipas përllogaritjeve disa dekada.

Paralelisht me këtë plan investimesh, duhet marrë parasysh edhe dimensioni i masave kufizuese që vazhdojnë të ndikojnë në tregti dhe logjistikë. Shtetet e Bashkuara kanë ndërmarrë masa të forta (si bllokada e ngarkesave të naftës dhe sanksionet ndaj kompanive dhe tankerëve që transportojnë naftë venezueliane) për të kufizuar të ardhurat dhe fuqinë politike të qeverisë aktuale, duke rritur kështu kostot e operimit dhe paqëndrueshmërinë e furnizimit.

Pikërisht për këto arsye, në afat shkurtër, ndikimi në çmimet e naftës mund të jetë i kufizuar dhe tregjet mund ta absorbojnë rrezikun pa luhatje të mëdha. Por ky ndryshim i papërfillshëm nuk përjashton skenarë më të vështirë, në rast se do të fillojnë përplasjet e aktorëve politikë dhe do të kemi krizë të sigurisë në Venezuelë.

Në këtë linjë, në afat të mesëm dhe në afat të gjatë, pasiguria politike dhe vakumi i pushtetit në Venezuelë mund të çojë në ngadalësim ose mbylljen totale