Estsi

Në kuadër të “Projekti Jean Monnet në fushën e Arsimit të Lartë: Moduli “Zhvillimi i Menaxhimit të Organizatave Publike dhe Administrimit Publik Evropian në kuadër të Shqipërisë në BE” është zhvilluar Leksioni i Hapur me temë: “Roli i Burimeve Njerëzore në Organizatat Ndërkombëtare në Shqipëri”.

Ky leksion u prezantua nga Znj. Ledja Tusha, Drejtoreshë e Burimeve Njerëzore pranë AADF.
Në bashkëbisedim me studentët, Znj. Tusha foli për menaxhimin e Burimeve Njerëzore në kontekstin e organizatave ndërkombëtare që operojnë në Shqipëri. Ajo ndau eksperiencat e saj profesionale dhe diskutoi mbi sfidat dhe mundësitë që paraqiten në menaxhimin e personelit në këto organizata, duke vënë theksin tek zhvillimi i politikave efektive të Burimeve Njerëzore.

Gjatë leksionit, studentët patën mundësinë të mësojnë nga praktikat më të mira të menaxhimit të burimeve njerëzore dhe të kuptojnë më mirë rolin kyç që këto burime luajnë në suksesin e organizatave ndërkombëtare. Për më tepër, pasuroi përvojën akademike të studentëve dhe kontribuon në përgatitjen e tyre për karrierë në menaxhimin e organizatave publike dhe administrimin publik evropian.