BOLLA

Ministria e Arsimit ul mesataren e pranimit të studentëve për mësuesi, nga 7.5 në 6.5.

Më në fund qeveria Rama 3 arrin të na japë fytyrën e vërtetë të asaj, Shqipërinë që duam - Mësuesit që duam.

Në habi të të gjithë shqiptarëve, por edhe atyre që fati po u troket tek dera, Ministria a Arsimit vendos që të gjithë "peçistat", që deri dje nuk kishin dëshirë për të mësuar, mbas 3 apo 5 vitesh mund të bëhen vetë mësues.

Pra dikush që nuk e ka frekuentuar gjinazin as 10 herë përgjatë gjithë kohës, do t'i duhet të kthehet në shkollë përsëri por tani si mësues e jo më si nxënës.

Një nga shembujt e tij më të preferuar do të jetë se sa shumë e ka dashur ai shkollën. Se si fliste për Homerin, apo ligjet e Njutonit. Se si zgjidhte problemat e matematikës, pa qenë në klasë fare.

E kemi thënë disa herë se "Kur shteti nuk egziston, rrumpalla mbizotëron".

Test apo vjedhje të dhënash?

Dje në mënyrë të organizuar nga Ministria e Arsimit u zhvillua testimi për nxënësit e lindur ne 2006.

Deri këtu gjithçka për tu lavdëruar.

Por çfarë nuk shkonte në këtë testim inteligjence?

Në mes të pyetjeve u shfaqën informacione për të dhënat personale.

Si e ka emrin babi? Po mami?

Sa televizorë kë në shtëpi? Sa makina? Ku e parkon makinën?

E shumë pyetje si këto dhe të tjera e të tjera që në thelb nuk kanë të bëjnë aspak me inteligjencën por thjesht me vjedhien e të dhënave familjare të famijleve shqiptare.