Impact - Accelerator Program by TBU

Përmbyllet me sukses edicioni i parë i programit të përshpejtimit “IMPACT”, krijuar nga Tirana Business University College si lehtësues për startup-et sociale, me mbështetjen e Ministrit të Shtetit për Mbrojtjen e Sipërmarrjes.

Në një format “Demo Day”, 7 prej startup-eve të përzgjedhura prezantuan sot modelin e tyre të biznesit përballë një jurie ekspertësh. Në formë mbështetje, të gjithë do të kenë mundësinë të përdorin falas mjediset, facilitetet infrastrukturore dhe teknologjike të TBU për 12 muajt në vijim, ndërsa 3 prej tyre u vlerësuan edhe për financim të përshtatur sipas nevojave.

Më herët, të gjithë aplikantët e programit “IMPACT”, kanë patur mundësinë të ndjekin 19 trajnime biznesi të zhvilluara nga 9 ekspertët e angazhuar, me fokus menaxhimin e qëndrueshëm dhe afatgjatë të ndikimit social, paralelisht me rritjen e tyre.