Landscape Architecture Program_UBT

A e keni menduar ndonjëherë kush i projekton hapësirat tona të jashtme? Hapësirat ku pushojmë, shëtisim dhe marrim frymë më lehtë? Këta janë arkitektët e peizazhit.

Arkitektura e Peizazhit është profesioni i së ardhmes. Një fushë që ndërthur natyrën, teknologjinë dhe krijimtarinë për të ndërtuar qytete më të jetueshme, më të shëndetshme e më bukura.

Studentët e Masterit Shkencor në Arkitekturë Peizazhi në Universitetin Bujqësor të Tiranës sapo përfunduan studimet e tyre. Albert Karaj, Kedis Burrja, Ardeta Sadria, Esma Zeneli dhe Flavio Musai u vlerësuan si më të mirët. Por të 17 studentët e sapo diplomuar me punimet e tyre treguan arritje të jashtëzakonshme profesionale.

Pas pesë vitesh studimi, ata janë gati të kontribuojnë në projektimin e hapësirave private e publike dhe në transformimin e qyteteve tona.
Projekte madhore si “Rilindja Urbane 2.0” do të përfitonin shumë nga aftësitë e këtyre profesionistëve të rinj, që sjellin një vizion të freskët bashkëkohor për qytetet e së ardhmes.

Tani është radha jote! Nëse je maturant dhe dëshiron të ndërtohesh një të ardhme ku krijimtaria dhe mjedisi bashkohen, regjistrohu në programin e Arkitekturës së Peizazhit në Universitetin Bujqësor të Tiranës.