Radio Logos

Sot në emisionin Ballë për Ballë kemi të ftuar Znj. Linda Sela, (Përgjegjëse e Bibliotekës Peshkopi)

Në jetën kulturore të çdo qyteti, bibliotekat zënë një vend të veçantë. Ato janë hapësira ku ruhen dijet, kujtesa dhe pasioni për librin, por edhe vende takimi për të gjithë ata që e duan leximin dhe kulturën.
Edhe në qytetin e Peshkopisë, një rol të rëndësishëm në këtë drejtim luan Biblioteka Publike Peshkopi, një institucion që prej vitesh i shërben komunitetit me libra, aktivitete kulturore dhe nisma që nxisin dashurinë për leximin, sidomos tek të rinjtë.
Sot kemi kënaqësinë të jemi në ambjentet e kesaj biblioteke ku jemi takuar me znj. Linda Sela, përgjegjëse e kësaj biblioteke, me të cilën do të flasim për jetën e këtij institucioni të rëndësishëm kulturor, për historikun, rendesine, rolin e kesaj biblioteke, miqtë e librit, aktivitetet që zhvillohen kontributet e qytetarëve që pasurojnë fondin e bibliotekës, e plot te tjera!

Na ndiqni sot ora 11:30 dhe 17:30
Ritrasmetimi nesër në të njëjen orë.
http://radiologos.al

Sot në emisionin Ballë për Ballë kemi të ftuar Znj.Inesa Grazhdani,(Juriste) si dhe Znj.Yllka Çuli, (Psikologe) punonjese prane Shoqatës “Une Gruaja”

Muaji Mars njihet si muaji i grave, por është shumë më tepër sesa një datë në kalendar. Është një moment reflektimi, ndërgjegjësimi dhe, mbi të gjitha, veprimi.
Në kuadër të International Women’s Day 2026, që këtë vit vjen me temën “Rights. Justice. Action.”, Të drejtat. Drejtësia. Veprimi”.
Sot do të flasim për të drejtat e grave, për sfidat që ato përballen çdo ditë dhe për rëndësinë e mbrojtjes nga dhuna në familje dhe në shoqëri.
Sa të informuara janë gratë për të drejtat e tyre? Çfarë mekanizmash ekzistojnë për t’i mbrojtur ato? Dhe më e rëndësishmja, si mund të kalojmë nga ndërgjegjësimi në veprim konkret si individë dhe si komunitet?

Na ndiqni sot ora 11:30 dhe 17:30
Ritrasmetimi nesër në të njëjen orë.
http://radiologos.al

Sot në emisionin Ballë për Ballë kemi të ftuar Z. Ledjan Zeqollari (Drejtorin e Turizmit, Trashëgimisë Kulturore dhe Rinisë në Pogradec)

Prej dt 3-6 Mars 2026 Shqiperia mori pjesë në Panairin Ndërkombëtar të Turizmit në Berlin, në një nga ngjarjet më prestigjioze, lider të industrisë turistike në botë.
Vendi ynë ka prezantuar një ofertë të gjerë dhe autentike, duke promovuar turizmin cilësor dhe gjithëvjetor.
Për herë të parë, është bërë e mundur edhe pjesëmarrja e qytetit tonë të Pogradecit, i cili u prezantua në një nga ngjarjet më të mëdha të turizmit në botë, Panairin Ndërkombëtar të Turizmit në Berlin, Gjermani.
Ky event i rëndësishëm, mbledh çdo vit mijëra operatorë turistikë, agjenci udhëtimi dhe përfaqësues të destinacioneve nga e gjithë bota.
Pjesëmarrja e Bashkisë Pogradec në këtë panair shënon një hap të rëndësishëm për promovimin e potencialit turistik të qytetit, duke ofruar një mundësi të re për të prezantuar natyrën, kulturën dhe traditat pogradecare përpara profesionistëve të industrisë së turizmit.

Na ndiqni sot ora 11:30 dhe 17:30
Ritrasmetimi nesër në të njëjen orë.
http://radiologos.al

Sot në emisionin Ballë për Ballë kemi të ftuar Znj. Paola Biba (Logopede pranë Qendres “Drita e Shpreses” në Pogradec)

Komunikimi është ura që na lidh me botën, me njerëzit që duam dhe me veten tonë.!
Por për shumë fëmijë dhe familje, kjo urë nuk ndërtohet gjithmonë lehtë. Sot, më 6 Mars, Në Ditën Evropiane të Logopedisë, do te ndalemi për të folur pikërisht për fuqinë e fjalës!
Eshte dita e cila na kujton sa i rëndësishëm është komunikimi në jetën tonë të përditshme. Për të folur më shumë rreth vështirësive të të folurit, rëndësisë së ndërhyrjes së hershme dhe rolit të logopedisë në zhvillimin e fëmijëve,
sot kemi kënaqësinë të kemi në studio për një intervistë në ditën e Logopedisë me Paola Biba e cila çdo ditë punon për t’u dhënë zë dhe shpresë fëmijëve por edhe familjeve të tyre.

Na ndiqni sot ora 11:30 dhe 17:30
Ritrasmetimi nesër në të njëjen orë.
http://radiologos.al

Sot në emisionin Ballë për Ballë jemi në qytetin e mrekullueshem të Librazhdit, pikërisht në ambjentet e Pallatit të Kultures “Sadi Halili”,
Sot kemi kënaqësinë të ndalemi në strehën e fjalës, aty ku zëri i një autoreje të re merr formë dhe ku fjala e shkruar bëhet vend reflektimi.
Kjo intervistë i kushtohet rrugëtimit letrar të Rebeka Ternova, e cila, në një moshë shumë të re, ka zgjedhur të shprehë botën e saj të brendshme përmes poezive, eseve dhe thënieve të përmbledhura në librin e saj të parë “Në strehën e fjalës”.
Në këtë interviste do të flasim për frymëzimin, guximin për të krijuar pa e parë moshën si pengesë, si dhe për rolin e rëndësishëm të mentorimit letrar, ku një vend të veçantë zë edhe mbështetja dhe udhërrëfimi i mentores së saj, Bardha Alimeta.

Na ndiqni sot ora 11:30 dhe 17:30
Ritrasmetimi nesër në të njëjen orë.
http://radiologos.al