Agri-En

🐑🌿 Agri-En pjesë e Mbledhjes Rajonale të Pastoralistëve të Ballkanit Perëndimor në Librazhd
Sot, më 30 maj 2026, në Librazhd u zhvillua Mbledhja Rajonale e Pastoralistëve IYRP – Ballkani Perëndimor (Zona e Elbasanit), një aktivitet që mblodhi përfaqësues të komuniteteve blegtorale, institucioneve, organizatave të shoqërisë civile, ekspertëve dhe aktorëve të tjerë të interesuar për zhvillimin e qëndrueshëm të sektorit pastoral.
Shoqata Agri-En u përfaqësua nga Drejtori Ekzekutiv, z.Isuf Dervishi, i cili gjatë diskutimeve ngriti problematikat dhe sfidat me të cilat përballen sot barinjtë dhe blegtorët në zonat e Librazhdit dhe Prrenjasit. Ndër çështjet e trajtuara ishin menaxhimi i kullotave, mungesa e mbështetjes për blegtorinë, nevoja për përmirësimin e shërbimeve veterinare si dhe ruajtja e traditave dhe mënyrave të jetesës së komuniteteve pastorale.
Agri-En vlerëson rëndësinë e këtyre platformave të dialogut, të cilat u japin zë komuniteteve lokale dhe kontribuojnë në hartimin e politikave më të drejta dhe më efektive për zhvillimin rural dhe mbrojtjen e të drejtave të pastoralistëve.
🤝 Falënderojmë organizatorët dhe të gjithë pjesëmarrësit për angazhimin dhe kontributin në këtë proces të rëndësishëm për të ardhmen e blegtorisë dhe komuniteteve rurale.