Bashkia Elbasan

Ekipi i Bashkisë Elbasan gjatë vizitës në Bashkinë e Limasolit zhvilloi një takim me Kryetarin e Bashkisë Yiannis Armeftis dhe ekipin teknik, ku u prezantuan projektet dhe iniciativat kryesore për një qytet më të qëndrueshëm dhe klimatikisht neutral.

Agjenda përfshiu projekte pilot të programit EU Horizon, të fokusuara në zbatimin e veprimeve inovative për klimën dhe zhvillimin e qyteteve inteligjente.

Gjithashtu, u diskutua planifikimi strategjik, duke përfshirë projekte prioritare si Green Routes, promovimi i transportit multimodal për reduktimin e varësisë nga makinat, si dhe rizhvillimi i Rrugës Aktaia për lidhjen e zonës së portit me qendrën e qytetit.

Këto iniciativa synojnë forcimin e masave për zbutjen dhe përshtatjen ndaj ndryshimeve klimatike, duke kontribuar në krijimin e një qyteti më të gjelbër, më të lidhur dhe më të jetueshëm për qytetarët.