Levizja Rinore Egjyptiane & Rome

Ky katalog suksesi paraqet historitë dhe rezultatet e arritura në kuadër të projektit “Rritja e kapaciteteve të punëkërkuesve Romë dhe Egjiptianë për t'u integruar në tregun e punës”, i zbatuar nga LRER në kuadër të programit “BE për Përfshirjen në Tregun e Punës”, financuar nga Bashkimi Evropian dhe zbatuar nga UNDP Shqipëri, Zyra Suedeze e Punësimit dhe FSHDPAK, në partneritet me AKPA.

Gjatë zbatimit të projektit, 62 përfitues nga komunitetet Rome dhe Egjiptiane u mbështetën për të aksesuar më lehtë tregun e punës përmes një programi 6-mujor këshillimi dhe mentorimi individual. Çdo përfitues hartoi një Plan Individual Zhvillimi, duke identifikuar objektivat e tij profesionale, hapat konkretë për arritjen e tyre dhe mbështetjen e nevojshme për integrimin në punësim.

Përmes sesioneve të këshillimit, trajnimeve dhe orientimit profesional, përfituesit zhvilluan aftësi praktike për kërkimin e punës, komunikimin me punëdhënësit dhe prezantimin profesional gjatë intervistave. Gjithashtu, ata rritën vetëbesimin, motivimin dhe gatishmërinë për të ndjekur mundësi punësimi apo formimi profesional.

📊 Rezultatet e arritura:
✅ 21 përfitues janë integruar me sukses në punësim.
✅ 6 përfitues janë përfshirë në programe të formimit profesional.
✅ 62 përfitues kanë përfituar njohuri, aftësi dhe orientim për të ndërtuar një të ardhme më të sigurt profesionale.

Pas çdo rezultati qëndron një histori personale, një sfidë e kapërcyer dhe një hap i rëndësishëm drejt fuqizimit ekonomik dhe përfshirjes sociale të komuniteteve Rome dhe Egjiptiane.

Ju ftojmë në linkun më poshtë të njiheni me këto histori frymëzuese, të cilat dëshmojnë se investimi në aftësi, mundësi dhe mbështetje konkrete sjell ndryshime reale dhe të qëndrueshme në jetën e njerëzve.
https://lrer.org/wp-content/uploads/2026/06/Broshure_EU4LMI.pdf

UNDP Albania