Haqiqat

رويټرز خبري اژانس تائيد کړه، چې د حماس او اسرايیلو ترمنځ اوربند اعلان شو او لومړنۍ مرحله به يې شپږ اونۍ وي.

د توافق پر اساس به د هر ملکي اسراييلي په بدل کې ۳۰ فلسطينيان او د هر نظامي اسراييلي په بدل کې به ۵۰ فلسطينيان ازاد شي.

پيل به د حماس له لوري د ۳۳ اسراييلي بنديانو په خوشې کولو کېږي، چې په بدل کې به يې اسراييل لسګونه فلسطينيان خوشې کړي.

په دې شپږو اونيو کې به مرحله په مرحله دواړه لوري د يو بل بندیان خوشې کوي او په تدريج به اسرائيلی ځواکونه نيول شوې سيمې خوشې کوي.

دغه راز بې ځايه شوي فلسطنيان به په دې موده کې بېرته د غزې شمال ته ستنيږي.
‏