Animator-x

كل عام وأنتم بخير 🐑✨
عيد أضحى مبارك عليكم وعلى أحبابكم،
وينعاد علينا وعليكم بالخير والفرحة والصحة

بالـ 2005، وتحديداً بعز الهوس بلعبة Prince of Persia، كان عندي حلم كبير. كنت شب لسه متخرج وكلي طاقة، وتخيلت لعبة بتشبهها بس بلمسة أردنية خالصة. القصة كانت عن محارب بيلاقي حجر ملعون بخزنة البتراء، وبينتقل للزمن الحاضر وبيحاول يرجع لزمنه. سميتها وقتها "لعنة البتراء".

جمعت 8 من أعز أصحابي، وأمي (الله يرحمها ويغفر لها) كانت أول المستثمرين فينا، عملتلنا عزومة وبوفيه عشان نشتغل ونخطط. كنت مجهز كل اشي حتى نظام لتوزيع المهام برمجته بنفسي. بس للأسف، الحماس لحاله ما بكفي. كنا مبرمجين مش مطوري ألعاب، والفكرة ماتت بأرضها وانطحن الشغف بزحمة الحياة والشغل التجاري.

مؤخراً، وأنا بجرب أدوات الذكاء الاصطناعي الجديدة، وتحديداً الـ Nano Banana Pro للكتابة بالخط العربي، جربت أكتب اسم اللعبة القديم محفور على صخر بيشبه صخور رم والبتراء. النتيجة كانت قشعريرة رجعتلي كل ذكريات 2005.

ما قدرت أوقف.. 1️⃣ كملت الستوري بورد وتفاصيل القصة. 2️⃣ استخدمت Google Veo3 لتحريك المشاهد وبث الروح فيها. 3️⃣ جمعت اللقطات وضفت الموسيقى والمؤثرات عشان يطلع معي هذا الفيديو.

هاد مش مجرد فيديو أو "تيزر"، هاد إثبات إنه الأدوات الموجودة اليوم قادرة تحقق أحلامنا اللي وقفناها زمان بسبب قلة الإمكانيات.

شاهدوا الفيديو واحكولي رأيكم بصراحة 👇

#الأردن #البتراء #شغف