Hum Awaz

کوہاٹ میں گداگروں اور چائلڈ لیبر کے خلاف ضلعی انتظامیہ نے عملی کارروائی کا آغاز کر دیا۔
ڈپٹی کمشنر کوہاٹ رحیم اللہ محسود کی خصوصی ہدایات پر ایڈیشنل ڈپٹی کمشنر جنرل حامد اقبال کی سربراہی میں ڈسٹرکٹ ویجلینس کمیٹی کے اجلاس میں فوری آپریشن کا فیصلہ کیا گیا۔
فیصلے کے مطابق آج سے باقاعدہ کارروائی شروع کی گئی، جس کے لیے خصوصی ٹیم تشکیل دی گئی۔ آپریشن کی قیادت ایڈیشنل اسسٹنٹ کمشنر دلنواز خان نے کی، جبکہ ٹیم میں چائلڈ پروٹیکشن آفیسر عظیم عباس، ٹریفک انچارج عرب جان اور سماجی کارکن ایثار علی بنگش شامل تھے۔
پہلے روز بہزادی چکرکوٹ، کچہری چوک اور پشاور چوک سمیت مختلف علاقوں میں کارروائی کے دوران درجنوں گداگروں اور کم عمر بچوں کو تحویل میں لے کر چائلڈ پروٹیکشن یونٹ منتقل کیا گیا۔ متعلقہ اداروں نے بچوں کی بحالی، دیکھ بھال اور قانونی کارروائی کا عمل شروع کر دیا ہے۔
ضلعی انتظامیہ کے مطابق گداگری اور چائلڈ لیبر ایک سنگین سماجی مسئلہ ہے، جس کے خاتمے کے لیے بلا تفریق کارروائیاں جاری رہیں گی۔ عوامی و سماجی حلقوں نے ضلعی انتظامیہ کے اس اقدام کو سراہتے ہوئے امید ظاہر کی ہے کہ یہ مہم معاشرے سے گداگری کے خاتمے میں مؤثر ثابت ہوگی۔

پاکستان انڈر 19 ٹیم کی بھارت کے خلاف شاندار کامیابی پر پاکستان ٹیم کے کھلاڑیوں نے بھی مبارکباد پیش کی۔

بابر اعظم نے کہا ویل ڈن بوائز، آپ نے فائنل میں شاندار پرفارمنس کا مظاہرہ کر کے ٹرافی جیتی، سیفی بھائی کو بہت کریڈٹ جاتا ہے ، ان کے تجربے سے یہ کامیابی ملی۔

ٹیسٹ کپتان شان مسعود نے کہا پاکستان کے لیے یہ جیت بڑی خاص ہے،کھلاڑیوں نے نڈر ہو کر کرکٹ کھیلی۔