Bugan

Честерфилд буйдан нь өнөөдрийг хүртэл үе үеийн олон дизайнеруудад урам зориг хайрлаж ирсэн дэгжин байдал, уламжлал гээд аль алиныг нь цогцлоож чадсан буйдан юм.
17р зуунд хамгийн анх Английн Честерфилдийн 4-р гүн Лорд Филлип Стэнхоп захиалж хийлгэсэн гэж үздэг бөгөөд Честерфилдийн Дөрөвдүгээр Гүн тухайн үеийн нэрт дипломатч, төрийн зүтгэлтэн, зохиолч байсан юм. Лорд Стэнхоп нь ноёдод суухад тохь тухтай хувцас үрчийлгэхгүй нарийн хийцтэй, гүн товчлууртай, суудал багатай, чанартай арьсаар бүрсэн буйданг хийлгэхийг хүсчээ. Лорд Стэнхоп нь тухайн үеийнхээ дээд язгууртан нийгэмд их нөлөө бүхий хүн байсан нь энэхүү буйданг алдартай болгох бас нэг шалтгаан байсан юм. Дээд зиндааны язгууртан ноёд түүнийг даган энэхүү буйдан нь язгууртнуудын хэрэглээ болжээ.
Эхэн үедээ буйдан дээрх гүн товчлуурууд нь удаан суухад тав тухгүй байсан тул Лорд Стэнхоп гэрт нь хүсээгүй зочид ирэх үед суулгадаг байж. Гэхдээ дараа дараагийн үеэс буйданд морьний хялгас үс хийдэг болсноор тав тухгүй байдал сайжирсан байдаг. 1828 оноос пүрш патентлагдаж тус буйданд ч нэвтэрснээр өмнөхөөсөө илүү тухтай болжээ. Честерфилдийн буйдан тохь тухтай болсон нь дээд зэрэглэлийн газруудад илүү их таалагдах болсон гэсэн үг юм. Лондон даяар Gentleman-ийн клубуудын гол тавилга болсон бөгөөд эндгээр клубуудэд баян эрчүүд цугларч санал бодлоо солилцон, виски ууж, хооллохоор ирдэг байв. Дараагийн нэг алдартай болгосон явдал нь Английн сэтгэл судлаач Зигмунд Фрейд юм. Зигмунд Фрейд нь Честерфилдийн буйданг практик дээрээ ашигладаг гэдгээрээ алдартай байв. Фрейд өвчтөнүүд нь тохь тухтай үедээ чөлөөтэй, нээлттэй ярьдаг болохыг олж мэдсэн ба түүний хамгийн алдартай буйдан нь Честерфилд байжээ. Сигмунд Фрейд сэтгэлзүйн ирээдүйг тодорхойлохын зэрэгцээ сэтгэл зүйчийн тавилгын ирээдүйг тодорхойлжээ. Энэ чиглэлээр ажилладаг олон хүмүүс Фрейдийн техник технологид нийцүүлэн Честерфилдийн буйдангаар үйл ажиллагаагаа явуулж байсан бөгөөд өнөөдрийг хүртэл сэтгэл зүйчдийн хамгийн дуртай сонголт Честерфилд хэвээр байсаар байна. Өнөө үед олон уран бүтээлчид, дизайнерууд орчин үеийн дүрс, дизайн бүхий уламжлалт Честерфилдийг холимогоор хөгжүүлж байна. Честерфилдийг хаана ч байрлуулсан тайтгарлын мэдрэмжийг танд өгдөг. Тансаг дэгжин байдал тав тухыг та Честерфилдээс л мэдрэх болно.

Bugan