Baba Roshan

کوٹری سائٹ کے علاقے بروہی چوک میں چانڈیا اور بروہی برادری کے درمیان جاری مسلح تصادم نے صورتحال کو انتہائی کشیدہ بنا دیا ہے۔ گزشتہ رات شروع ہونے والا یہ تنازع تاحال ختم نہ ہو سکا اور وقفے وقفے سے فائرنگ کا سلسلہ جاری ہے۔

اطلاعات کے مطابق دونوں برادریوں کے درمیان ہونے والے اس تصادم کے نتیجے میں اب تک کم از کم 10 افراد زخمی ہو چکے ہیں، جنہیں قریبی اسپتالوں میں منتقل کر دیا گیا ہے جہاں انہیں طبی امداد فراہم کی جا رہی ہے۔

پولیس نے فوری کارروائی کرتے ہوئے علاقے کا کنٹرول سنبھال لیا ہے اور بھاری نفری تعینات کر دی گئی ہے تاکہ مزید جانی نقصان سے بچا جا سکے۔ تاہم ذرائع کا کہنا ہے کہ دونوں جانب کے مسلح افراد اب بھی مورچہ بند ہیں اور کسی بھی وقت دوبارہ تصادم کا خطرہ موجود ہے۔

علاقے میں خوف و ہراس کی فضا قائم ہے جبکہ شہریوں نے اعلیٰ حکام سے فوری مداخلت اور مستقل امن کے قیام کا مطالبہ کیا ہے۔

Kya khoob bat ki baba jee ne