Rafi moda

تقول صاحبة القصة دارنا ناس متشددين بزاف لدرجة وصلت ل 21 سنة و ما حبوش يشريولي تيليفون مع الوقت وليت نغار كي نشوف صحاباتي كامل بتيليفوناتهم و يديرو وش يحبو و عايشين قصة حب حالة، مع الوقت بديت نخدم بالتخبية على دارنا باش نلم دراهم و نشري تيليفون، الوقت لي كانو حاسبيني نقرا فيه راني نخدم، مع الوقت وصلت للمبلغ لي يسمحلي نشري تيليفون وليت مدايرتو بالتخبية على دارنا و مديت لصاحبتي لنتيم تفتحلي فايس، مع الوقت وصلني طلب صداقة من عند واحد كي دخلت لعندو يا يما وش نقول من زين و كور، اكسبتيت ديراكت و كنت متحمسة باش نحكي معاه و بحكم انو التيليفون بالتخبية و دارنا صغيرة المكان الوحيد لي يسمحلي نكونيكتي فيه آلاز فالتوالات، و كنا فيامات الصيف لي القراية خلصت و مكان ما ندير، المهم كيما قلتلكم كنت من هذيك البلاصة ما نخرجش نكحي معاه و مع يقفل نبقا فتصاور نتفرج و نسلم و نعنق تحسب مهبولة تعلقت بيه لدرجة متتخيلوهاش مع هو كان مغرقني بكلام الحب و انا كنت ساهلة، المهم يوم ورا يوم حتى جا نهار لي دابزنا فيه حسيتو تبدل و بكيت فتوالات من بعد ما مسحت دموعي رحت رقدت غدوة نضت بلحمي زرقة..💔
الجزء 1
طلعونا الحكاية باش نكمللو

#قصة #قصص

تعيشو لي سمعو بجريمة خيرة لي تسكن في بشار وقتلعا راجلها لي عندها تفاصيل الجريمة كاملة يقولولنا وش صرالها والا صح عجوزتها عندها يد فالجريمة