Aao Baat Karein

السلام علیکم ورحمۃ اللہ وبرکاتہ
🌙💝🌙
*صبح بخیر زندگی!*
*ماہ رمضان* کی بابرکت سحر اپنے ساتھ نور، رحمت اور مغفرت کا پیغام لاتی ہے۔
*فضا میں قرآن و اذکار کی بازگشت* دل کو سکون دیتی ہے اور یوں محسوس ہوتا ہے جیسے ہر سانس عبادت میں ڈھل گئی ہو۔
*یہ مہینہ* ہمیں صبر، تقویٰ اور شکر کا سبق دیتا ہے۔
*سحری کا ہر لقمہ* نعمت کا احساس جگاتا ہے اور روزہ ہمیں نفس کی تربیت سکھاتا ہے۔
*اے زندگی!* آج کا دن بھی ہمیں اخلاص کے ساتھ گزارنے کی توفیق ملے، زبان ذکر سے تر رہے اور دل دوسروں کے لیے نرم ہو۔
*ماہ رمضان* ہمیں یاد دلاتا ہے کہ اصل کامیابی اللہ تعالیٰ کی رضا میں ہے
*پروردگار* سے دعا ہے کہ یہ دن رحمتوں سے بھر جائے۔آمین🤲🏻

*التماس دعا: فرح

پچھلا پورا ہفتہ ابر آلود اور یخ بستہ موسم کے بعد آج جب کھل کر دھوپ نکلی تو دل جیسے ذرا سا ہلکا ہو گیا۔ سردی آج بھی اپنی جگہ موجود ہے مگر دھوپ کی چمک نے فضا میں ایک الگ ہی تازگی بھر دی ۔آتے جاتے موسموں میں چھپے اللہ کی قدرت کے یہ نظارے واقعی رک کر محسوس کرنے کے قابل ہوتے ہیں۔ ایسے موسم میں کینو کے میٹھے رس کا مزہ اور خشک میوہ ہونا لازمی ہے۔ زندگی کے یہ چھوٹے چھوٹے لمحے ہی تو ہیں جو دن کو خاص بنا دیتے ہیں۔ آپ آج کس چیز سے لطف اندوز ہو رہے ہیں؟ 🌤️🥜🍊

سانحہ گل پلازہ کے بعد دل حد درجہ اداس ہے، ذہن ماؤف سا ہو کر رہ گیا ہے اور ایک عجیب سی بے بسی نے گھیر لیا ہے۔ دل دہلا دینے والے مناظر آنکھوں کے سامنے گردش کر رہے ہیں، جن سے نظریں ہٹانا ممکن نہیں۔ اسی کیفیت نے دل و دماغ کو اس طرح جکڑ لیا کہ کچھ کرنے کو جی نہیں چاہ رہا تھا۔ ایسے لمحات میں انسان اپنی کمزوری اور زندگی کی ناپائیداری کو شدت سے محسوس کرتا ہے، مگر پھر بھی اللہ پر یقین ہی وہ سہارا ہے جو دل کو ٹوٹنے سے بچاتا ہے اور حوصلہ دیتا ہے کہ اندھیرے کے بعد روشنی ضرور آتی ہے۔

زندگی واقعی پانی کے بلبلے کی مانند ہے، نہ معلوم کب وجود میں آئے اور نہ خبر کب ختم ہو جائے۔ ایک ہی لمحے میں حالات بدل جاتے ہیں اور ہنستا بستا منظر اجڑ جاتا ہے۔ انسان بے شمار خواہشیں، ارمان اور منصوبے دل میں سجاتا ہے، مگر وقت کی ایک جنبش انہیں دھویں کی طرح بکھیر دیتی ہے۔ موت کا وقت کسی کو معلوم نہیں، مگر یہی حقیقت ہمیں یہ سبق دیتی ہے کہ زندگی کو غرور کے بجائے شعور کے ساتھ جیا جائے۔ ایسے میں جو چیز انسان کو ٹوٹنے نہیں دیتی، وہ ہے اللہ پر کامل یقین، امید کی روشنی اور حوصلے کی طاقت۔ اس لیے ناامید نہیں ہونا چاہیے، کیونکہ ایمان کے سائے میں ہر لمحہ معنی رکھتا ہے۔ 🌿
دعاگو فرح🤲🏻

سردی کی خوبصورت صبح—
جب فضا میں ہلکی سی خنکی ہو،
سہنری دھوپ در و دیوار پہ دستک دے،
سانسوں میں تازگی اتر جائے
اور دل بے وجہ مطمئن ہو۔
ایسی صبحیں
زندگی کو آہستہ آہستہ جینے کا ہنر سکھاتی ہیں۔
🌞🌷🌞